- "Al Hilol"ga qarshi o'yin kutilganidek qiyin va og'ir bo'ldi. Xudoga shukur g'alaba qozonib, o'zimiz uchun kerakli natijani qo'lga kiritdik. Bundan benihoyatda xursandmiz. Yaratgan vaziyatlardan unumli foydalanganimiz bizga qo'l keldi. "Al Hilol" esa bu borada oqsadi, yani birinchi bo'limda darvozamiz oldida hech qanday xavf sola olishmadi. Tabloda 2:0 porlaganidan so'ng jamoamiz himoyadan o'ynadi. Penalti belgilangan vaziyat bo'yicha gapiradigan bo'lsam, bu erda 11-metrlik jarima zarbasi belgilash uchun hech qanday asos yo'q edi. "Al Hilol"ni zararsizlantirish uchun ularni asosan maydon markazidayoq qarshi olib, yuqori pressing qo'lladik.

"Al Hilol"dek jamoani mag'lubiyatga uchratgandan so'ng jamoamizning o'z kuchiga bo'lgan ishonchi ortgani bor gap. Bu klub osiyodagi eng kuchli jamoalardan biri sanaladi. Futbolda oldindan bir narsa deb bo'lmaydi. Biz imkon qadar uzoqroqqa borishni istaymiz va buning uchun harakatni to'xtatmaymiz.

Istalgan futbolchi bir narsani orzu qiladi. Bu ham bo'lsa terma jamoa sharafini himoya qilish. Mening orzuim ham O'zbekiston terma jamoasi safida o'ynash.

Salim Mustafoev: "Terma jamoada o'ynashni orzu qilaman"