- Bugun o'yin borasida nima deya olasiz?

- Avvalo mezbonlarni g'alaba bilan tabriklayman. Shogirdlarim ham bugun yaxshi harakat qilishdi. Ularning o'yinidan ko'nglim to'ldi. “Iftixor” jamoasiga kuchli futbolchilar jamlangan – Mansur Saidov, Akmal Xolmatov, Sherzod Hakimov, Orif Mamajonov kabi o'yinchilar superligada ham bemalol o'ynab keta olishadi.

- Bugun maydonga asosan yosh futbolchilarni tushurdingiz. Xususan, darvozabon Jasur Abdullaev asosiy tarkib o'yinchisi emas.

- Chindan ham bugun yoshlarga imkoniyat berishga qaror qildim. Jasur yosh darvozabon bo'lishiga qaramay, bugun o'zini ko'rsata oldi. Uning harakatlaridan qoniqish hosil qildim. 20 aprel kuni o'z maydonimizda “Labsa” bilan o'ynaymiz. Shuni inobatga olgan holda bir qator etakchi futbolchilarga dam berdim.

- “Yozyovon” mavsumni yuqori notada boshladi. Hozircha jamoa Pro-liga “V” guruhida etakchilik qilmoqda.

- Maqsadimiz yuqori darajaga intilish. Yozyovonlik muxlislarni xursand qilish. Bugun bizni bevosita stadionda qo'llab-quvvatlab turgan ishqibozlarimizga o'z minnatdorchiligimni izhor etaman.

Isroil Mamajonov tayyorladi

Salim Zokirov: “Maqsadimiz yuqoriga intilish”