"Albatta, biz uni saqlab qolmoqchimiz. Robertni juda qadrlaymiz va u bizga buni o'yinlari orqali ko'rsatadi. Vaqti-vaqti bilan o'zaro muloqot qilib turamiz. Albatta, siz shartnoma masalasida agent bilan gaplashishingiz lozim. Buni qilamiz. Bizda ko'p vaqt bor.
"Bavariya"da dunyoning eng yaxshi hujumchisi bor va biz bundan faxrlanamiz. Hozircha hech qanday muzokaralar bo'lmagan
Ko'ryapmanki, Levandovski sal bo'shashib qolgan. U har kuni mukammal mashq qilishni xohlaydigan haqiqiy professional. Agar u gol urmasa, kiyim almashtirish xonasida juda xafa holatda o'tiradi. U shuning uchun ham zo'r. Vaziyat yomonlashadi deb o'ylamayman", – dedi Salixamijich.

– Levandovski 2022 yilda ketishi mumkinmi?

– Yo'q. Uning shartnomasi 2023 yilgacha amal qiladi. Tez orada muzokaralarni boshlaymiz va ular qanday rivojlanishini ko'ramiz. Va keyin nima bo'lishini bilib olamiz.

– "Bavariya" Xolandga qiziqyaptimi?

– Bu hech qanday manoga ega emas. Dunyoning eng yaxshi hujumchisi safimizda o'ynaydi. Bu – Leva.

33 yoshli hujumchi joriy mavsumda "Bavariya" safida barcha turnirlarda 43 o'yinda 48 ta gol urdi.

Salixamijich Levandovski 2022 yilda "Bavariya"ni tark etmasligini malum qildi