Улар 11 ёшли Луи Фаулер ва унинг укаси 10 ёшли Айзек эди. Сабаби маълум, севимли юлдузлари билан суратга тушиш.

Қаҳрамонларимиз тўсатдан Салоҳнинг машинасини кўриб қолишди. Луи унинг орқасидан югурди, лекин тасодифан устунга бориб урилди ва бурнини жароҳатлади.

Буни кўриб қолган Салоҳ дарҳол машинасини тўхтатди ва ҳаммаси жойида эканлигини билиш учун машинадан тушиб етиб келди. Албатта, Муҳаммад Салоҳ бу пайтда йигитчалар билан расмга тушишни рад этолмасди, улар биргаликда расмга тушишди. Шунингдек, мисрлик футболчи жабрланган мухлисига имзоси туширилган либосини ҳам совға қилди.

Болаларнинг отаси ижтимоий тармоқларда футболчига миннатдорчилик билдирди.

"Муҳаммад Салоҳ, Луис нокаут бўлгач, ортга қайтиб ундан хабар олганингиз учун раҳмат.
У сизни жуда яхши кўради ва уни қучоқлаганингиздан кейин оғриқ дарҳол йўқолганлигини айтди. Айтганча, бурун билан ҳаммаси жойида.
Сиз яхши инсонсиз ва чинакам жентльменсиз!"

Муҳаммад Салоҳ - кўплаб футболчилар учун ҳақиқий намунадир!

Шерзод Нурматов таржимаси.

Салоҳ бурнини жароҳатлаб олган болакайга ғамхўрлик қилди