Samandar Ochilov esa “Xo'jand” klubi sharafini himoya qilmoqda. Kuni kecha “Xo'jand” chempionatning 19-turi doirasida “Dushanbe” (5:0)ni mag'lubiyatga uchratdi. O'yindan keyin Ochilov bilan suhbatlashdik.

- Bu o'yinda g'alaba qozonmasak bo'lmasdi, - deya so'z boshladi Ochilov. Avvalgi tur o'yinlarida ochkolar yo'qotdik. Muxlislarni xursand qilish uchun muxlislarimiz qarshisida g'alaba qozonishimiz lozim edi. “Dushanbe” ham jiddiy qarshilik ko'rsatdi. Mavsum yakunlanib bormoqda. Shunga oson o'yinlar bo'lmaydi.

- “Xo'jand” mavsum avvalida qo'ygan maqsadiga erisha oladimi?

- O'ylashimcha ha. Rahbariyat mavsum davomida bizga barcha sharoitlarni yaratib berdi. Biz esa qo'yilgan maqsadimizni amalga oshirish uchun oxirigacha kurashdik.

- Tojikiston futboli borasida nimalarni ayta olasiz?

- Chempionat saviyasi chakki emas. Asosan yakkakurashlarga ko'proq etibor berilarkan. Jismoniy tomonlama kuchli bo'lmasangiz, bu erda to'p tepish oson emas. Shu jihatlari bilan menga yaxshigina tajriba berdi.

- “Xo'jand” bilan shartnomangiz tugab bormoqda. Kelgusidagi maqsadlar qanday?

- Hozircha bu borada biror-bir gapni ayta olmayman. Bir nechta klublardan takliflar bor. Mavsum yakuniga etganidan so'ng takliflarni yaxshilab o'rganib chiqqan holda bir qarorga kelaman.

Samandar Ochilov: “Takliflarga qarab qaror qabul qilaman”