Mavsum yakunida uning jamoasi 2-o'rinni qo'lga kiritdi hamda OFK kubogida ishtirok etish huquqini qo'lga kiritdi. Xo'sh, Ochilov navbatdagi mavsumni qaerda o'tkazadi? Bu haqda futbolchi suhbatda aniqlik kiritdik.

"Bu yil "Xo'jand" bilan o'z oldimizga qo'yilgan maqsadga erishdik. Chunki 2-o'rinni egalladik. Kubok finaliga chiqishimiz uchun bir qadam qoldi. Umuman olganda, biz yaxshi natijalar ko'rsata oldik.

Eng qiyin bahslar xususida

- Mavsum davomida hamma o'yinlar qiyin kechdi. Masalan "Istaravshan" bilan kechgan safardagi o'yinimiz qiyin kechdi. "Istiqlol" bilan ham mehmonda durang o'ynadik. Garchi 2-o'rinni egallagan bo'lsak-da, oson g'alabaga erishganimiz yo'q.

"Xo'jand"dagi faoliyati to'g'risida

- Tojikistondan bir mavsum o'ynab men yakka kurashlar va jismoniy tomonlama o'zim uchun ko'p jihatlarni o'zlashtirdim. "Xo'jand"ga kelib xato qilganim yo'q. Aksincha, futbolchi sifatida o'zimga kerakli malakaga erishdim.

Maoshi haqida

- Maosh va mukofat pullarini o'z vaqtida oldik. "Xo'jand"da bu borada hech qanday kamchiliklar kuzatilgani yo'q.

Kelajagi borasida

- Hozircha kelgusida qaysi jamoada to'p tepishim borasida bir qarorga kelganimcha yo'q. Barchasini vaqt ko'rsatadi. Bir nechta takliflar bor. Ko'rib chiqib keyin yakuniy qarorga kelaman.

Samandar Ochilov: "Xo'jand" bilan o'z oldimizga qo'yilgan maqsadga erishdik"