Мавсум якунида унинг жамоаси 2-ўринни қўлга киритди ҳамда ОФК кубогида иштирок этиш ҳуқуқини қўлга киритди. Хўш, Очилов навбатдаги мавсумни қаерда ўтказади? Бу ҳақда футболчи суҳбатда аниқлик киритдик.

"Бу йил "Хўжанд" билан ўз олдимизга қўйилган мақсадга эришдик. Чунки 2-ўринни эгалладик. Кубок финалига чиқишимиз учун бир қадам қолди. Умуман олганда, биз яхши натижалар кўрсата олдик.

Энг қийин баҳслар хусусида

- Мавсум давомида ҳамма ўйинлар қийин кечди. Масалан "Истаравшан" билан кечган сафардаги ўйинимиз қийин кечди. "Истиқлол" билан ҳам меҳмонда дуранг ўйнадик. Гарчи 2-ўринни эгаллаган бўлсак-да, осон ғалабага эришганимиз йўқ.

"Хўжанд"даги фаолияти тўғрисида

- Тожикистондан бир мавсум ўйнаб мен якка курашлар ва жисмоний томонлама ўзим учун кўп жиҳатларни ўзлаштирдим. "Хўжанд"га келиб хато қилганим йўқ. Аксинча, футболчи сифатида ўзимга керакли малакага эришдим.

Маоши ҳақида

- Маош ва мукофат пулларини ўз вақтида олдик. "Хўжанд"да бу борада ҳеч қандай камчиликлар кузатилгани йўқ.

Келажаги борасида

- Ҳозирча келгусида қайси жамоада тўп тепишим борасида бир қарорга келганимча йўқ. Барчасини вақт кўрсатади. Бир нечта таклифлар бор. Кўриб чиқиб кейин якуний қарорга келаман.

Самандар Очилов: "Хўжанд" билан ўз олдимизга қўйилган мақсадга эришдик"