"Navbahor" muxlislarini g'alaba bilan tabriklayman. O'ta muhim bahs og'ir o'tdi. "Aral"ni Nukusda mag'lub etish oson deb o'ylaganlar adashadi. Buni juda katta qiyinchilik bilan amalga oshirdik. Bu uchrashuv Superligadagi so'nggi bahsimiz kabi qiziq o'tdi. G'alaba qozonib, keyingi bosqichga chiqishimiz juda muhim edi. Avvalgi bahsda mag'lubiyatga munosib emas edik, shu sababli ushbu g'alaba ruhiy tushkunlikdan chiqib ketishga yordam berardi. "Aral" haqida alohida to'xtalmoqchiman. Ular haqiqiy jangchilardek harakat qilishdi, muxlislar uchun o'ynashdi. Agressiv, zamonaviy o'yin namoyish etib, vazifamizni qiyinlashtirishdi. O'z navbatida bu regionni ham Superligada jamoasi bo'lishini tilayman. "Aral" bu yoki kelasi yil oliy ligaga chiqishini xohlardim".

- "Navbahor" chempionatdagi so'nggi o'yinda "Paxtakor"ga mag'lub bo'lgandi. O'sha mag'lubiyatning bugungi bahsga tasiri bo'ldimi?

- Ha, tasiri bo'ldi. Biroq yigitlar maydonga chiqib, g'alabani qo'lga kiritishdi.

- "Aral" tarkibidan kimni o'z jamoangizda ko'rishni xohlagan bo'lardingiz?

- Barcha chiziqlarda yaxshi yigitlar bor. Ular havolanib ketmasligi uchun ismlarni aytmayman. Futbolchilarning darajasi Superligada o'ynashga etadi. Jamoaning muvaffaqiyatlarida Nematillo Quttiboevning xissasi katta deb bilaman. Bu jamoani Superligada ko'rishdan xursand bo'lardim.

- "Navbahor" futbolchilari o'yin vaqtini cho'zishga urinishgandek bo'lishdi. Sabab nimada?

- Maydon qoplamasi futbolchilarga jarohat etkazishi mumkin. Kurashlar ko'p bo'ldi. Futbolchilar shikastlanishganda tanaffuslar bo'ldi. Biz vaqtni cho'zish uchun ko'rsatma bermaymiz. Biz shunchaki jarohatlardan saqlanishga harakat qildik.

Samvel Babayan: "Bu uchrashuv Superligadagi so'nggi bahsimiz kabi qiziq o'tdi"