"Ertaga Filippinga qarshi o'yin kutib turibdi. Jamoaga hurmat bilan munosabatda bo'lamiz. Murabbiy ham kuchli. Ertaga o'zimizning kuchli o'yinimizni ko'rsatib g'alaba qozonishga urinamiz", - deydi Samvel Babayan.

"Ertaga bizni muhim o'yin kutib turibdi. Yaxshi o'yin ko'rsatishga harakat qilamiz", - deydi Server Jeparov.

- Ertaga ko'proq gol urib chiroyli o'yin ko'rsatish rejada bormi? Yoki eng asosiysi natijami?
- Bizga uch ochko juda ham kerak. Shu bois eng asosiysi g'alaba qozonish.

- Savol kulgili bo'lishi mumkin. Bungacha o'yinlar "Paxtakor"da o'tkazilayotgandi, bu safar "Bunyodkor"da. Bu tashabbus kimdan chiqdi?
- Oldin ham "Bunyodkor"da o'ynashni istagandik. Biroq o'sha paytda maydon holati qoniqarli darajada emasdi. Hozir esa barchasi ideal holatda. "Bunyodkor" stadioni mustaqillik davrida yurtimizda qurilgan eng muhtasham stadionlardan biri. Eng zamonaviy va Osiyoda ham eng yaxshilaridan biri hisoblanadi.

- Sardor Mirzaevning qaysi jihatlari maqul kelmadi?
- Mirzaev mavsumi juda yaxshi boshladi. OCHL va Oliy ligada juda yaxshi o'ynadi. Shu bois terma jamoa yig'iniga chaqirildi. U terma jamoaga nomzod futbolchi hisoblanadi. Unga hali imkoniyat beramiz.

- Raqib ertangi bahsdan oldin imkoniyatimiz juda ham kam dedi. Bunga munosabatingiz.
- Menimcha u ayyorlik qilmoqda. Ertaga ular ham g'alaba uchun kurashishlari turgan gap. Ularning murbbiyi juda ham tajribali va ko'p narsani biladi.

- Siz burchak to'plarini amalga oshirasiz. Lekin ko'pincha to'pni emas 16 kilolik toshni tepayotgandek tuyuladi. Bunga sabab nima?
Server Jeparov: - Doim ham burchak to'pi o'xshamaydi. Mashg'ulotlarda buning ustida ishlayapmiz. Tanqidni to'g'ri qabul qilaman. Balki ertaga burchak to'pidan so'ng gol urarmiz. Bundan juda xursand bo'lardim.

- Vodiydan deyarli futbolchi chaqirilmayapti. Vodiydagi uchta jamoadan ham futbolchilarni kuzatib borayapsizmi?
- Terma jamoaga chaqirilishda geografiyaga qaramaymiz, u Farg'onada o'ynaydimi yoki Qashqadaryodami farqi yo'q. Kimda O'zbekiston Respublikasi pasporti bo'lsa unda terma jamoaga chaqirilish imkoniyati bor. Doim kuchli futbolchi terma jamoaga chaqiriladi.

- Hozir muxlislar Andreev nima uchun termaga chaqirilganini so'rashmoqda. U OCHLda ham maydonga tushmayaptiku?
- Jasur Hasanov ham o'ynamadi lekin uni ham chaqirdim. Aytmoqchimanki terma jamoaga barcha kuchli futbolchilarni chaqiramiz. Bu meni yoki boshqaning terma jamoasi emas, bu xalqimizning jamoasi.

- G'alaba uchun mukofot puli beriladimi?
- Bu jamoa siri. Mirabror Usmonov boshchiligida terma jamoaga etibor juda katta. Lekin ishoning har bir futbolchi pul uchun emas vatan uchun maydonga tushishadi. Ertaga barcha muxlislarni kelib jamoamizni qo'llab turishlarini so'rab qolamiz. Biz xalqimiz uchun o'ynaymiz.

Narzulla Saydullaev

Samvel Babayan: "Kimda O'zbekiston pasporti bo'lsa unda terma jamoaga chaqirilish imkoniyati bor"