Bugun muhim kun bo'ldi. Gap guruhimizdagi raqiblarning kuchida emas, gap bugun biz qaysi jamoaga qanday tayyorgarlik ko'rishimizni aniqlab oldik. Endi guruhdagi raqiblarimizga qarab o'z dasturimizni ishlab chiqamiz, - dedi Samvel Babayan.

So'zida davom etar ekan, terma jamoamiz murabbiyi shunday deydi:
- JCHni orzu qilmayotgan muxlis bo'lmasa kerak. Bugungi tadbirdan so'ng ularning ishtiyoqi yanada oshgani aniq. Biz ularning orzulari amalga oshishi uchun bor kuch va imkoniyatimizni ishga solamiz. Buning uchun yaxshi futbolchilarga egamiz. O'FF prezidenti ham bu borada barcha sharoitlarni yaratib beryapti.

- Guruhimizdagi raqiblar haqida nima degan bo'lardingiz?
- JCH saralashida oson o'yinning o'zi bo'lmaydi. Har bir o'yinga jiddiy qaraymiz va shunga monand tarzda tayyorgarlik ko'ramiz. Bundan boshqa yo'l yo'q. Har bir raqibni shu bugunning o'zidan yaxshilab o'rganishni boshlaymiz. Muxlislardan iltimosim shuki, oxirigacha biz bilan bo'lishsin. Nasib qilsa, birgalikda JCHga boramiz.

Samvel Babayan: "Muxlislar orzusini ro'yobga chiqarishga harakat qilamiz"