"Ertaga JCH-2018 saralashi doirasidagi navbatdagi o'yin bo'lib o'tadi. Bizga Toshkentda bizga etarlicha qarshilik ko'rsatgan jamoa raqiblik qiladi. Yaman o'tgan turda Filippin mehmoni bo'lib g'alabaga erisha oldi. Biz bu o'yinga etarlicha tayyorgarlik ko'rishimiz kerak, sababi bu bosqichda oson o'yinlar bo'lmaydi", - deydi Babayan.

"Yaman terma jamoasining Filippinga qarshi o'yinini ko'rib o'rganib chiqdik. Ular juda yaxshi o'ynashdi. Xudo xohlasa, ertaga biz g'alaba qozonamiz", - deydi Rashidov.

- Jamoalarning imkoniyatlarini qanday baholaysiz? Tarkibda yo'qotishlar bormi?

- Shukurki tarkibimizdagi barcha sog'-salomat va hech qanday yo'qotishlar yo'q. Imokniyatlarga kelsak, to'g'ri bizning jamoa raqibdan ustunroq. Lekin Yaman tarkibida ham bir qator kuchli futbolchilar bor. Darvozabonni alohida takidlab o'tishim mumkin. Aynan uning harakatlari tufayli ham Yaman Filippinda g'alabaga erishdi.

- Sardor, siz jamoaning etakchi to'purarlaridan birisiz, oxirgi o'yinlarda ko'plab gol urdingiz. Lekin Yamanga gol ura olmadingiz. Buni qanday izohlaysiz.

Sardor Rashidov: - Futbol avvalo jamoaviy o'yin. Gol urishim yoki urmasligim katta ahamiyatga ega emas, asosiysi g'alabaga erishish. Yaman himoyachilari u qadar kuchli emas, Toshkentdagi o'yinda jamoam g'alaba qozondi, eng asosiysi shu.

O'FF matbuot xizmati

Samvel Babayan: "Yaman darvozaboni juda kuchli"