25 yoshli futbolchi "Chelsi"da ijara asosida bir mavsum o'ynaganidan so'ng "Manchester Yunayted"ga qaytdi, ammo jamoa bosh murabbiyi Ruben Amorimning rejalaridan o'rin olmadi.

"Il Corriere dello Sport" nashrining yozishicha, "Yunayted"da bir mavsum uchun 10 mln evro oladigan Sancho "Yuventus"ga o'tish uchun maoshi kamayishiga tayyor. Vinger Turin klubidan yiliga 8 mln evrolik shartnoma olmoqchi. "Yuventus" allaqachon futbolchiga yiliga 5 mln evro taklif qilgan va uni 6 mln evro va bonuslar bilan ko'tarishga tayyor. Turin klubiga yangi kelgan Jonatan Devid ham taxminan shuncha oladi.

Mish-mishlarga ko'ra, "Yuventus" Sanchoni sotib olish uchun "Manchester Yunayted"ga 25 mln evro to'lashga tayyor.

Sancho "Yuventus"ga moliyaviy talablarini malum qildi