Bu haqida mavsum kashfiyotlaridan biri bo'lgan Sanjar Qodirqulov fikrlarini bildirib o'tdi.

-Olimpiya terma jamoasini oldinda katta sinov turibdi. Jamoa Toshketda olib borilgan yig'in davomida futbolchilar musobaqaga qay darajada tayyorgarlik ko'rdi.?

- Toshkentda asosan jismoniy imkoniyatlarimizni yaxshilash maqsadida shug'ullandik. Dubaydagi yig'inda hammasi hal bo'ladi. Jamoa yuz foiz tayyor. Nasib qilsa Tailanddan olimpiyada yo'llanmasi bilan qaytishni niyat qilganmiz. Bunga hammamiz, xalqimiz ishonmoqda. Maydonga chiqib bor kuchimiz bilan harakat qilishga qodirmiz. Jonimizni ham berishga tayyormiz.

- Ko'p vaqtingizni milliy terma jamoa bilan birga o'tkazdingiz. Bevosita OTJga moslashib ketishingiz qiyin bo'lmadimi?

- Ko'p futbolchilar bilan bolalikdan birga o'sganmiz. Bu borada muammo yo'q. Vadim Karlenovich milliy terma jamoaga bosh murabbiy bo'lgach meni taklif qildi. Umuman olganda ajratish noo'rin bo'lsa kerak.

- Guruhimizdagi raqiblar haqida nima deya olasiz?

- Oson bo'lmagan o'yinlar kutib turganini his qilyapmiz. Maqsadimiz g'alaba va xalqimizga uzoq kutilgan olimpiyada yo'llanmasini taqdim qilish. Muhlislarga quvonch va xursandchilik ulashmoqchimiz.

Abdulaziz Iskandarov yozib oldi

Sanjar Qodirqulov: “Maydonda jonimizni berishga ham tayyormiz”