- Uchrashuv qiyin kechishi oldindan malum edi. Sababi, har ikkala jamoaga ham ochko kerak, aniqrog'i, mehmonlardan ko'ra, ko'proq bizni faqat ijobiy natija qoniqtirardi. Bellashuv qiziqarli kechdi. "Olmaliq" kuchsiz o'ynadi, degan fikrlarga qo'shilmagan bo'lardim. Ular o'zlarining nomiga mos ravishda jiddiy qarshilik ko'rsatishdi. Shunchaki, shu kuni bizning o'yinimiz o'xshadi. Shu bois raqib kuchsizroqdek ko'ringandir?! Bahsdagi ilk gol urganimdan xursandman. Qolaversa, bu gol mening "Obod" safidagi birinchi golimga aylandi. Dastlabki golim jamoadoshlarimning kayfiyatini ko'targan bo'lsa, Shohruz Norxonov tomonidan urilgan gol o'yin taqdirini hal qildi. Kelasi turlarda ham shunday muhim gollar urishni maqsad qilganman.

Navbatdagi turda bizni yanada qiyin uchrashuv kutib turibdi. "Andijon"ga qarshi bahs qaysi klub oliy ligada qolish-qolmasligiga oydinlik kiritadi. O'ylaymanki, o'sha jamoa biz bo'lamiz va oldimizga qo'yilgan vazifani uddalaymiz. Jamoadoshlarimda bunga ishonch juda yuqori. Rahbariyat ham barchamizni qo'llamoqda. 16 noyabr kuni bizga ishonganlarning barchasini ishonchini oqlaymiz, degan umiddaman.

"Obod" FK matbuot xizmati

Sanjar Rihsiboev: "Andijon"ga qarshi bahsda hammasi hal bo'ladi"