Хабарга кўра, томонлар ўзаро келишув асосида шартномани бекор қилганди. Бунинг футболчи Италиядаги судга бор диққат эътиборини қаратиши учун қилингани айтилмоқда.

Қайд этиш жоиз, “Сантос” Робиньо билан 10 октябрда 5 ойлик шартнома тузганини эълон қилганди. Бироқ тезда мухлислар Робиньонинг Италияда судда қатнашаётганлигидан норози бўлганди. Маълумот учун, Робиньога 2017 йилда Милан суди томонидан 9 йиллик қамоқ жазосига тайинланганди. Робиньо 2013 йилда 23 ёшли албаниялик аёлни гуруҳ бўлиб зўрлашда айбланганди. Иш эса ҳамон очиқ бўлиб, унда суд футболчининг аппелятсиясини кўриб чиқмоқда.

36 ёшли Робиньо “Сантос”га фаолияти давомида 3-марта қайтган эди. У ҳозирга қадар “Реал”, “Ман Сити”, “Милан”, “Гуанчжоу Эвергранд”, “Атлетико Минейро”, “Сивасспор” ва “Истанбул Башакшеҳир” клубларида тўп тепган.

“Сантос” Робиньо билан шартномани бекор қилди. У билан 10 октябрда шартнома имзоланганди