Bugun O'zbekiston milliy terma jamoasi JCH-2026 saralash bosqichidagi yurishini boshlaydi. "Paxtakor" va "Kelajak yulduzlari" kompaniyasi "Trastbank" homiyligida 1-4 sentyabr kunlari Nikolay Shirshov xotirasiga bag'ishlangan turnirni tashkillashtirdi. Festival tarzida o'tkazilgan mazkur musobaqada kecha final bellashuvlari bo'lib o'tdi. Demak dastlab natijalar haqida malumot berib o'tamiz.

Nikolay Shirshov xotira kubogi

"Paxtakor" (shaxmat)

2016 yillar

04.09.2024

7- o'rin uchun

10:00. "Lokomotiv B" - "Feniks" +/-

5-o'rin uchun

11:00. "Lokomotiv" - "Paxtakor Junior" 2:4

3-o'rin uchun

12:00. "Paxtakor B" - "Bunyodkor" 3:5

Final

13:00. "Lider Best" - "Paxtakor A" 0:6

2015 yillar

04.09.2024

7- o'rin uchun

"Junior" - "Lochin" +/-

5-o'rin uchun

"Shahrixon" - "Kosonsoy" 1:6

3-o'rin uchun

"Lokomotiv" - "Paxtakor B" 6:2

Final

"Paxtakor" - "Feniks" 9:2

Taqdirlash marosimida Nikolay Shirshovning onasi, "Paxtakor" klubi raisi o'rinbosari Dilshod Karimov, futbolchi bilan birga to'p tepgan Shuhrat Maqsudov, Yorqin Nazarov, Olim Shokirov ishtirok etdi, do'stini yorqin xotiralar bilan yodga oldi.

"Avvalambor o'g'limni eslab shunday turnir tashkil qilganingizga katta rahmat. Nikolay o'z o'yinlari bilan muxlislar yodida qolgan ekan shunday xotira turnirlarini o'tkazyapsizlar. Buning uchun o'zimni minnatdorchiligimni elon qilaman",- deydi Nikolay Shirshovning volidayi muxtaramasi.

"Turnirda ishtirok etgan barcha jamoalarga rahmat aytamiz. Bolalarga kelajakda yanada kuchli bo'lib yaxshi futbolchi sifatida terma jamoalarimizda to'p tepishlarini tilab qolamiz. O'ylaymanki, bunday turnirlar shu bilan to'xtab qolmaydi va davom ettiriladi",- deydi "Paxtakor" klubi raisi o'rinbosari Dilshod Karimov.

"Nikolay Shirshovni nafaqat ajoyib futbolchi balki ajoyib inson sifatida ham yodga olamiz. Terma jamoada, "Paxtakor"da birga to'p tepganmiz, safarlarda bitta xonada istiqomat qilganmiz. O'zining gollari, o'yinlari bilan muxlislarni mehrini qozona olgan",- deydi "Paxtakor" sport direktori Shuhrat Maqsudov.

"Do'stimiz Nikolay Shirshov bilan 7 sinfdan boshlab sport maktabida birga katta bo'lganmiz. Yuqorida aytilganidek u ajoyib va oliyjanob inson edi. O'z ustida tinmasdan ishlardi va natijada katta yutuqlarga erishdi. Ota-onasi bilan ham ko'p gaplashib turar edik. Bunday turnirlarni o'tkazish anana tarziga kirishini tilab qolardim. Mana bu yil bahorda Dilmurod Nazarov xotirasi yodga olingandi. Tashkilotchilarga ham rahmat aytaman",- deydi Yorqin Nazarov.

"Biz 2 mahal mashg'ulot olib borsak, Nikolay mashg'ulotdan keyin ham uyda yana ishlardi. Shuning uchun bizdan ham o'tib ketdi, "Rostov"da o'ynadi, terma jamoada to'purar bo'ldi. Nima ham derdik yaxshilarni xotirasi doim shunday tantana bilan yodga olinadi",- deydi Olim Shokirov.

Saralash bahslari starti oldidan Shirshov xotirasiga turnir tashkil qilindi