O'zbekiston yoshlar terma jamoasi dastlabki o'yinini Livan yoshlariga qarshi o'tkazadi.

Malumki, saralash bahslarida jami 40 jamoa kurash olib boradi va mezbon Xitoyni hisobga olmaganda 15ta jamoa kelasi yilning yanvar oyida bo'lib o'tadigan kichik qita birinchiligiga yo'llanma oladi.

OFK rasmiy sayti mana shu saralash bellashuvlarida o'zlarini ko'rsatish kerak bo'lgan 10 nafar futbolchi haqida maqola chop etdi. Bizni xursand qilgan jihati, ular orasida o'zbekistonlik futbolchi ham bor.

1. Vey Shia (Xitoy)
Xitoy mezbon bo'lishiga qaramay, o'z xohishi bilan saralash bosqichida ishtirok etmoqda. Bu jamoa tarkibida to'p tepayotgan Vey Shia yaxshi futbolchi hisoblanadi. U "Shanxay SIPG" vakili. 22 yoshli Vey bir nechta o'yinlarda o'zini ko'rsatgan va to'rt yil oldin Kurt Zuma, Lyuk Shou singari futbolchilar qatorida jahonning eng umidli futbolchilari ro'yxatidan o'rin olgan.

2. Mehran Deraxshanmehr (Eron)
Endigina 18 yoshga to'lgan Mehran "Zobaxan" safida chiroyli o'yin namoyish etmoqda. U hatto Osiyo chempionlar ligasining oltita o'yinida maydonga tushishga ulgurdi. Chap qanot futbolchisi ham himoya, ham yarim himoyada bir xil o'yin ko'rstata oladi. U 2016 yil "Zobaxan" tarkibida o'z debyutini nishonlagan.

3. Bashar Resan (Iroq)
20 yoshli Bashar Resan Iroq milliy terma jamoasida ham o'ynashga ulgurdi. U JCH saralash bosqichida Yaponiyaga qarshi maydonga tushgan. Bundan tashqari, Olimpiada o'yinlarida ham ishtirok etgan.

4. Evan Dimas (Indoneziya)
Bu futbolchiga Indoneziyaning kelajagi sifatida qaralmoqda. U o'tgan yil Ispaniyaning "Espanol-B" klubida to'rt yil malaka oshirib qaytdi. Dimas sekin-asta milliy terma jamoaga ham chaqirilmoqda.

5. Zabixillo O'rinboev (O'zbekiston)
Yaqinda "Paxtakor"ga o'tgan Zabixillo O'rinboev o'rtoqlik o'yinlarida o'zini ko'rsatdi. Mana endi saralash bahslarida ham gol uradigan vaqt etib keldi. Zabixillo 2014 yil U-19 Osiyo chempionatida yaxshi o'yin namoyish etgan, qolaversa jahon chempionatida ham O'zbekistonning chorak finalga qardar borishida muhim hissa qo'shgandi.

Qolgan futbolchilar ro'yxati:
6. Rayli Makgri (Avstraliya)
7. Lalianzuala Changte (Hindiston)
8. Koji Miyoshi (Yaponiya)
9. Sami Al Naji (Saudiya Arabistoni)
10. Li Sang Min (Janubiy Koreya)

Saralashda o'zini ko'rsatishi kerak bo'lgan 10 futbolchi