Маълумки, Эрон ЖЧ-2022 саралаш баҳсларини Марк Вильмотс қўл остида бошлаганди. Лекин терма жамоа Ироқ ва Баҳрайндан мағлуб бўлгач, бельгиялик мураббий ишдан бўшатилди ва унинг ўрнини бошқа мураббий эгаллади.

"Зенит" ҳужумчиси Сардор Азмун аввалги мураббийни танқид қилди:

- "Афсуски, биз Вильмотс туфайли саралашда учинчи ўринга тушиб қолдик. Ироқ билан кечган ўйинни оладиган бўлсак, мен майдондаги ролимни умуман тушунмадим. 70 дақиқа рақибнинг беш футболчисига қарши ҳаракат қилдим. Тўғри тушунинг, мен Месси ёки Роналду эмасман, ҳимоячиларни кўрдим демай ўтиб кетадиган. Кейруш пайтида майдонга тушиб нима қилиш кераклигини билардим. Лекин Вильмотс даврида биргаликда яхши ишлай олмадик".

- "Менимча, янги мураббий Вильмотсдан кучли. Скочич ўзига ишонган одам экан, у билан коронавирусдан олдин кўришиб гаплашганимда мураббийда қатъийлик борлигини сездим. Насиб қилса биз бу мураббий билан жаҳон чемпионатига борамиз", - дейди Сардор Азмун.

Сардор Азмун Вильмотсни танқид қилди