"Filippin va Bahraynga qarshi o'yinlarga tayyorgarliklar juda yaxshi ruhda o'tmoqda. Endigina terma jamoa yig'iniga qo'shilgan bo'lsamda, futbolchilar yaxshi sport formada ekanligi ko'rinib turibdi. Asosiy vazifa va maqsadimiz - muxlislarni xursand etish. O'ylaymanki, buni uddalay olamiz. Garchi Filippin va Bahraynga qarshi safardagi o'yinlarda yirik hisobda g'alaba qozongan bo'lsakda, bu narsa bizni xotiramlikka berilishimizga sabab bo'la olmaydi. Xotirjamlikka berilishga haqqimiz yo'q. Bu futbol va futbolda hamma narsa ruy berishi mumkin", - deya terma jamoamizning bo'lajak o'yinlari oldidan o'z fikrlarini bildirdi Sardor Rashidov.

"Nasaf"ga bilan bo'lgan o'yin? Bu bahsda juda muhim g'alabaga erishdik. Meni gol urganim bazi muxlislarga yoqmadi. Buni to'g'ri tushunaman. Ularning bundan ranjishga va mendan norozi bo'lishga haqqilari bor. Buning uchun qarshilik ishqibozlardan uzr so'rayman. Nima qilay, meni ishim shu. Kiritgan golim o'z jamoamga yordam berdi va bundan xursandman. Men shunchaki o'z ishimni qildim. Golni nishonlaganimga keladigan bo'lsak, anchadan buyon "Al Jayish" safida gol urolmay kelayotgandim. So'nggi bor "Al Sadd"ga qarshi bellashuvda o'z hisobimga gol yozib qo'ygandim. Shu bois, men uchun uzoq kutilgan gol va o'yinning so'nggi daqiqalaridagi jamoam uchun juda muhim bo'lgan to'pni kiritganimdan so'ng, to'g'risi, xursandchiligimni yashira olmadim. Agarda bu kimgadir yoqmagan bo'lsa, unda o'sha ishqibozlardan uzr so'rayman. "Nasaf"ni o'rganishda murabbiylar mendan malumot so'rashmadi va o'zlari raqibni o'rganishdi. Bevosita o'yinga haqida gapiradigan bo'lsam, biz "Nasaf"ga qarshi bahs oldidan o'z chempionatimizda tur o'yinini o'tkazgandik. Jamoada charchoq bor edi. Qarshidagi bahsda bor kuchimiz bilan harakat qilamiz va g'alabani ko'zlaymiz. "Nasaf" juda kuchli va yaxshi shakllangan jamoa. Buni "Al Jayish" murabbiylari va futbolchilari ham juda yaxshi bilishadi. Qarshidagi uchrashuvda yanada qattiqroq tayyorgarlik ko'ramiz. Men terma jamoa o'yinlaridan so'ng Qatarga yo'l olmayman va shu erdan to'g'ri Qarshiga boraman. "Nasaf"ning keyingi bosqichga chiqish imkoniyatlari? O'ylashimcha, hammasi "Al Ayn"ga qarshi o'yinlarda hal bo'ladi", - dedi Sardor Rashidov.

Sardor Rashidov: "Nasaf" muxlislaridan uzr so'rayman va ularni to'g'ri tushunaman"