Ушбу турда ҳамюртимиз Сардор Рашидов тўп тепадиган "Ал жазира" сафарда "Ал Наср" меҳмони бўлди ва рақибларини йирик 3:0 ҳисобида мағлубиятга учратишди. Учрашувда Сардор Рашидов ўз ҳисобига гол+пас ёздириб қўйди. Ушбу баҳсдан сўнг Рашидов ўз фикрларини билдириб ўтди.

"Араб Кўрфаз кубоги жуда ҳам қизғин тарзда ўтмоқда. Олдимизга ушбу мусобақада ғолиб бўлиш вазифаси қўйилган. Шунинг учун ҳам бор кучимиз билан ҳаракат қиляпмиз. Ички чемпионат баҳслари ҳам анча қизиқарли ўтмоқда. Жамоалар бир қатор юлдуз футболчиларни ўз сафига қўшиб олгани бунга яққол мисол. "Ал Жаиш" таркибида тўп тепеганимда кўп гол урар эдим.

"Ал Жазира"да эса кам гол уряпман. Ўзимни шахсий муаммоларим бор эди. Буни барчага ошкор қилишим шарт эмас деб ўйлайман. Айни дамда барча муаммоларим ўз ечимини топмоқда. Секин-аста ўзимга кела бошлаяпман. Бор кучим билан ҳаракат қилиб терма жамоадаги ўйинимни ҳам кучайтириб миллий терма жамоамизга ғалаба келтиришга ҳаракат қиламан", - дейди Сардор Рашидов

Жаҳонгир Сотволдиев ёзиб олди

Сардор Рашидов: "Араб кўрфаз кубоги қизғин тарзда ўтмоқда"