- O'yinni yaxshi boshladik, golga qadar to'p bizda edi, vaziyatlar yaratdik, zarbalar berayotgandik. Goldan keyin ham "ruhiy chuqurlikka" tushib qolmadik va yaxshi o'ynashda davom etdik. Ikkinchi bo'limda esa gollar urib oldik.

- Tanaffusda murabbiy tomonidan qanday ko'rsatmalar bo'ldi?

- Maksim Shackix tanaffusda ko'proq zarba berishimiz kerakligini aytdi. Birinchi bo'limda kam zarba berganimizni tushuntirdi. Ko'proq pressing qilib, to'pni olib qo'yishga harakat qilishimiz kerak edi.

- Eng muhimi jamoaning OCHLda pley-offga chiqishi uchun imkoniyatlari saqlanib qoldi.

- Qoldi, lekin bu o'zimizning qo'limizda emas. Kimlargadir qarar ekanmiz, lekin juda minimal ekan. Barcha ayb o'zimizda, dastlabki ikki turda yirik hisoblarda yutqazdik. Imkoniyatlarni kutamiz.

- Kelasi mavsumda sizni jamoada ko'ramizmi?

- Shartnomam bor.

- O'zingizda xohish bormi?

- Takliflar bo'lsa ko'rib chiqiladi. Lekin klub bilan yana bir yillik shartnoma bor.

- "Paxtakor"ning ushbu mavsumda shu holatida chempion bo'lishi ortidan ko'plab gap-so'zlar bo'ldi. Lekin "Paxtakor"ning raqiblari ham bu imkoniyatni taqdim qilib berdi.

- Ikki yildan beri raqiblar ham anchagina kuchaydi. 2022 va 2023 yilda "Paxtakor" chempionlar kabi o'ynagani yo'q. 2 mavsumda faqatgina 4-5 o'yinda chempionlar kabi o'ynagandirmiz. Qolgan o'yinlarda o'z darajasidan pastroq bo'ldi. Raqiblar esa bunday ham bo'lmadi. Bunga esa biz aybdor emasmiz.

Sardor Sobirxo'jaev: "Chempion kabi o'ynamagandirmiz, ammo raqiblarimiz biz kabi ham bo'la olmadi"