- Uchrashuv haqida fikrlaringiz?

- O'yinning boshida biroz bo'shashib harakat qildik. Raqib birinchi taymda yaxshiroq o'ynadi. Bizda vaziyatlar bo'lmadi, ularda esa bo'ldi. Ikkinchi bo'limda murabbiylarimiz taktik o'zgarishlar amalga oshirishdi va o'yin yaxshi tomonga o'zgardi.

- Shomurodovning maydonga tushgani jamoa azolariga qo'shimcha ishonch bag'ishladi desak bo'ladimi?

- Albatta, albatta. Shomurodov, Masharipov va Shukurov hozirgi davrda terma jamoa liderlari. Ularning birortasi bo'lmasa ham o'yinda biroz muammo bo'lishi mumkin.

- Keyingi o'yin haqidagi fikringiz?

- Guruhdagi narigi uchrashuv durang bilan yakunlanibdi. Bu esa biz keyingi bosqichga chiqqanimizni anglatadi. Menimcha, murabbiy uchinchi uchrashuvda o'yin amaliyoti kam bo'lgan futbolchilarga imkoniyat bersa kerak. Baribir, Eron terma jamoasi o'z o'yinlarida g'alaba qozonishini taxmin qilsak bo'ladi.

- Turkmanistondan bu darajadagi qarshilikni kutganmidingiz?

- To'g'risi, yo'q. Chunki biz raqibning oldingi uchrashuvini ko'rdik. Ular Tojikistonga qarshi bunday o'yin ko'rsatmagandi. Birinchi o'yinda Turkmaniston tarkibidagi to'qqizta futbolchi o'ynamagan ekan.

Sardor Sobirxo'jaev: "O'yinning boshida biroz bo'shashib harakat qildik, taktik o'zgarishlardan keyin vaziyatni o'ngladik"