- "Doimgidek terma jamoalar o'yinidan keyin bazi muammolar paydo bo'ladi. Tarkibdagi eng jiddiy muammo - Ampadu bilan bog'liq. Shuningdek, Xadson-Odoi va Barkli bilan kichik muammolar yuzaga kelgan. Ampaduning jarohati jiddiy.

Yaxshi xabarlar ham yo'q emas. Masalan Ryudiger va Kovachich oxirgi kunlarga kelib ancha yaxshi formaga kirishdi. Menimcha, ular bahsga tayyor.

Qayd etayotgan natijalarimizdan qoniqyapman. Ammo o'yinni yanada kuchaytirishimiz lozim. Men jamoaga kelganimdan buyon to'liq tarkibda jamoani shug'ullantirganim yo'q. Avgustda qo'l ostimda 8 nafar futbolchi bilan mashg'ulot o'tkazdim xolos. Keyinchalik esa mavsum boshlandi va har 3-4 kunda o'yin o'tkazyapmiz. Shu boisdan mavsum davomida katta hajmdagi yuklamalar bilan ishlash og'irlik qiladi. Kelajakda biz o'yin sifatini yanada yaxshilay olamiz. Bu eng yuqori cho'qqimiz emas. Hozircha esa raqiblarga ham etarlicha imkoniyat taqdim etyapmiz.

Yunayted tarkib borasida chempionatdagi eng kuchlisi. Ammo o'yin bobida "Siti" kuchli. Yunayted faqat tarkib etibori bilan kuchliroq ko'rinadi. "Manchester Yunayted" "Chelsi"ga qarshi raqibdan kelib chiqib o'ynaydimi yoki yo'q, ochig'i bilmadim. Meni o'zimizni o'yin qiziqtiradi. Biz esa hech qachon raqibga qarab o'ynamaymiz. "Chelsi" doim o'z futbolini ko'rsatadi", - dedi Mauricio Sarri.

Sarri: "Yunayted" tarkib bo'yicha zo'r, ammo o'yin bobida Manchesterda "Siti" eng kuchlisi"