Turinliklarni mag'lubiyatdan Ronalduning 90-daqiqada penaltidan kiritgan goli saqlab qoldi. Uchrashuvdan so'ng "keksa sinoralar" ustozi Mauricio Sarri jamoasining o'yini haqida gapirib o'tdi.

Italiya kubogi. Ronalduning penaltidan urgan goli "Yuventus"ni "Milan" maydonidagi mag'lubiyatdan qutqarib qoldi

"Biz himoyadan hujumga chiqishda va pas o'ynashda raqibda yaxshiroq bo'ldik, ammo maydonning raqib darvozasi tomondagi uchinchi qismida hammasi ham o'xshayvermadi. Jarayon davom etmoqda, ishlashda davom etamiz. Chempionatda "Verona"dan uchralgan mag'lubiyat (1:2)dan keyin maydonga tushdik, lekin baxtimizga ijobiy natijaga erisha oldik.

Biz oxirgi 3 haftada o'sishdan to'xtab qoldik. Shart bo'lmagan gollarni o'tkazib yubordik. Jamoa har doim eng yuqori holatda bo'la olmaydi, lekin hozir sodir bo'layotgan jarayon - o'tish davri va bu normal holat. Men havotir olmayapman, chunki hayotda faqat sog'lik uchun havotir olish kerak", - deya Sarrining so'zlarini keltirdi italiyalik jurnalist Janluka Di Marcioning sayti.

Javob uchrashuvi 4 mart kuni Turinda bo'lib o'tadi.

Sarri: "Yuventus" o'sishdan to'xtab qoldi"