- Turnirda jamoadan nima kutsak boladi?

Avvalambor, ushbu matbuot anjumanida qatnashganimdan xursandman, etiboringiz uchun tashakkur. Ushbu musobaqa barcha jamoalarga foyda bo'ladi deb o'ylayman. Saralash bosqichidan so'ng katta turnir vaqti keldi, bizning futbolchilar o'zini yaxshi ko'rsatadi degan umiddaman. Jamoamizdan umilarim katta.

- Saudiya Arabistoni terma jamoasi so'nggi marotaba o'tkazilgan Osiyo Kubogi g'olibi. Ushbu musobaqada titulni himoya qila olasizlarmi?

- Turnirda kuchli jamoala ko'p, titulni himoyasiga keladigan bo'lsak, qiyin vazifa va bizga oson bo'lmasligi aniq. Asosiy maqsadimiz – Jahon chempionatiga yo'l olish. Birinchi navbatda, guruhdan chiqib olishni rejalashtirganmiz. Jamoamiz musobaqaga tayyorgarlik jarayonida bir nechta o'yinchini yo'qotdi. Jarohatlangan futbolchilar o'z klublariga jo'nab ketishdi.

- Guruhda kuchli jamoalar ko'p. Ertaga to'qnash keladigan raqibingiz Qirg'iziston terma jamoasi haqida fikringiz?

- Osiyo Kubogi saralash bosqichidan muvaffaqiyatli o'tgan har bir jamoa juda kuchli. Guruhimizda ham juda kuchli raqiblar bor. Qirg'iz Respublikasiga qarshi kechadigan birinchi uchrashuvimiz oson o'tmasligi aniq.

- Qirg'iz Respublikasi iqlimi Toshkentniki bilan bir xil. Ob-havo futbolchilaringizga muammo tug'dirmadimi?

- Ha, ob-havoda farq bor. Qirg'iziston uchun esa ko'nikishga vaqt talab etilmaydi va bu ularga kichik ustunlik beradi. Biz esa musobaqa qaerda va qachon bo'lishini bilar edik va avvaldan havo haroratini hisobga olib qo'yganmiz.

- Oxirgi yillarda Saudiya Arabistoni futbolchi katta rivojlanishga erishdi. Ushbu o'sish faqat kattalar terma jamoasiga taalluqlimi yoki Saudiya Arabistonida yoshlar futboliga ham etibor kattami?

- Bizning asosiy terma jamoamiz erishayotgan natijalar, bolalar va o'smirlar futbolida olib borilayotgan harakatlarning natijasi deb o'ylayman, Saudiya Arabistonida turli yosh toifasidagi terma jamoalarga etibor yuqori va bu futbolimizga foyda keltiradi.

U-20 Osiyo Kubogi 1-turi doirasidagi Saudiya Arabistoni – Qirg'iz Respublikasi uchrashuvi ertaga "Bunyodkor" stadionida 17:00 da start oladi.

Saudiya Arabistoni U-20 murabbiyi: "Asosiy terma jamoamiz erishayotgan natijalar – bolalar va o'smirlar futbolida olib borilayotgan harakatlarning natijasi"