"Uchrashuv biz kutgandek qiyin ruhda o'tdi va ikki jamoaning ham maydon markazini nazorat qilishga urinishiga guvoh bo'ldik. Biz kuchli va taktik jihatdan uyushqoq jamoaga qarshi o'ynadik. Bellashuv teng kurashlar ostida o'tdi, ammo O'zbekiston vaziyatlardan unumli foydalana oldi. Ikkinchi bo'limda imkoniyatlar yuzaga keltirib, hisobni tenglashtirishga harakat qildik, ammo gol ura olmadik.

Bazi vaziyatlarda xotirjamroq harakat qilishimiz kerak edi. Men mag'lubiyatda futbolchilarni ayblay olmayman, chunki O'zbekiston turnir favoritlaridan biri edi.

Yahyoning chetlatilishiga O'zbekiston terma jamoasining taktikasi sabab bo'ldi. Ularning bu usuli himoyachilarimizni chekinishga va bir chiziqda turib, raqibni o'tkazib yubormaslik uchun shiddatliroq o'yin namoyish etishga majbur qildi.

Biz turnirning ushbu bosqichidan engib o'tishni hamda yarim final va Parijdagi Olimpiya o'yinlariga yo'llanmani qo'lga kiritishni intiqlik bilan kutayotgan edik, ammo biz qiyin raqibga duch keldik. Mag'lubiyat uchun saudiyalik muxlislardan uzr so'raymiz. Bu o'yinni xursand holda tark etmadik, lekin o'zimiz uchun kelajak avlodni kashf etdik. Mag'lubiyat o'tmishda qoldi, endilikda Saudiya futboliga xizmat qiladigan yosh avlodni shakllantirishga etibor qaratamiz", - dedi Al Shehri.

Saudiya Arabistoni U-23 bosh murabbiyi: "Shogirdimning chetlatilishiga O'zbekiston terma jamoasining taktikasi sabab bo'ldi"