Biz g'alaba qozondik. Bu eng asosiysi. Yigitlar o'zlariga kelayotganidan xursandman. O'yindan o'yinga kuchayib, o'zimizga kelishimiz eng asosiysi. G'alaba qozona oldik.

Gollar kiritilgan vaziyatda uyushtirilgan hujumni yigitlar o'zlari tashkil etishdimi yoki siz mana shunday ko'rsatma berganmidingiz?

Bunday uslubni avvalgi "So'g'diyona"ga qarshi o'yinda ham sinab ko'rgandik. Bu borada ancha ishlar olib borildi. Umid qilamanki, ushbu g'alaba bizga katta yordam beradi.

Otabek Shukurovni "Mashal"ga qaytib ketishi haqida mish-mishlar yuribdi...

Yo'q, u ortga qaytmaydi. U istedodli futbolchi. Hali o'zini ko'rsata oladi. Unga vaqt kerak. Shuningdek, Shomurodovga ham. Fikrimcha, u yoshlar terma jamoamizning etakchilaridan biri. Ishonamanki, yoshlarimiz JCHda ham muvaffaqiyatli o'yin ko'rsata oladilar. Bu borada ularga omad tilayman.

Kecha psixologlar bilan suxbat bo'lib o'tdi. Buning uchun psixologga minnatdorchilik bildiraman. Kim kimligi hali malum bo'ladi. Buning uchun bizda vaqt bor.

Jo'raboevning o'yinini qanday baholaysiz? Shuningdek, Berdiev haqida ham ikki og'iz...

Berdiev, professional futbolchi. U tartibli futbolchi. Mana shunday futbolchilar orqali yoshlar katta tajriba to'plashadi deb o'ylayman. Unda bugun ikkita imkoniyat bo'ldi. Shunchaki, o'yin amaliyoti etishmayapti. Jarohati sababli ancha vaqtni maydondan tashqarida o'tkazib yubordi. U bilan o'tgan mavsumda suhbatlashganimda boshqa jamoaga ketmoqchi emasligini aytib o'tgan.

Jo'raboev? O'z o'ziga gol kiritishlar, omadsiz o'yinlar bo'lib turadi. U statistikaga ko'ra raqiblardan to'pni olish bo'yicha etakchimiz hisoblanadi. Shuningdek, yakka kurashlarda ham u eng kam yutqazgan.

"Obod"ga qarshi o'yinga qanday tayyorgarlik ko'rilmoqda?

Har bir o'yinga qattiq tayyorlanmoqdamiz. Barcha o'ziga kelmoqda. Men ham, yigitlar ham. Biz uchun har bir o'yin psixologik tomondan muhim.

Javlon Ibrohimovning jarohati jiddiymi?

Uning eski jarohati qaytalab qoldi.

Aziz To'xtamurodov

Sergey Lushan: "Kecha psixolog bilan suhbat bo'lib o'tdi"