- O'yin haqida

- Birinchi navbatda, "Navbahor" jamoasini navbatdagi g'alaba va kubokda keyingi bosqichga yo'l olganliklari bilan tabriklayman. O'yinga kelsak, alamli mag'lubiyat. Harakatlarimiz yaxshi bo'ldi. "Navbahor"dek yaxshi tashkil qilingan jamoaga qarshi o'ynash juda qiyin bo'ldi. Biz muxlislar "Navbahor"ni qanday qo'llab turishganini juda yaxshi his qildik. "Surxon" futbolchilari bunga dosh bera olishdi va yaxshi o'yin ko'rsatishdi. Afsuski, natija ijobiy bo'lmadi.

- "Surxon" jamoasi muxlislarga yoqadigan o'yin ko'rsatmoqda. Biroq, bugun negadir uzoqdan zarbalar ko'rmadik?

- Bizning harakatlarimiz har doim raqib jamoa harakatlaridan kelib chiqqan holda bo'ladi. Bugun hammamiz ko'rdikki, "Navbahor" juda tartibli va yaxshi tashkillashtirilgan himoya namoyish qildi. Shu sabab ham bizga uzoqdan zarba berish va jarima maydoniga kirish qiyin bo'ldi. O'tkazib yuborilgan goldan keyin bo'sh hududlar paydo bo'la boshladi. Biz bundan foydalanishga harakat qildik, ammo realizaciya masalasi oqsadi. Bazi vaziyatlarda hakamning qarori bizning foydamizga bo'lmadi. Buni muhokama qilmoqchi emasman. Savolga qaytsak, raqib bizga uzoqdan zarba berishga imkon qoldirmadi.

- "Surxon" oldiga ushbu mavsum qanday maqsad qo'yilgan?

- Ko'p beriladigan savol. Jamoamiz yoshligidan kelib chiqsak, bizda maqsad har doim yuqori qo'yiladi. Bizda sovrinli o'rinlarni egallash bo'yicha aniq bir maqsad qo'yilmagan, ammo har bir uchrashuvda g'alaba qozonishni maqsad qilganmiz. Bu yoshda eng muhimi shu. Yigitlarimiz yosh, ularni yorqin kelajak kutib turibdi.

Sergey Arslanov: "Navbahor" juda tartibli va yaxshi tashkillashtirilgan himoya namoyish qildi"