- O'yin haqida

- Barchaga xayrli kech. O'yinga kelsak, biz mutlaqo ikki xil taymlar guvohi bo'ldik. Ikkinchi bo'limda o'z taktikamizni o'zgartirdik. Ikkinchi bo'limda yuqori blokda o'ynashni boshladik. Bu o'z samarasini berdi va biz ko'proq vaziyatlar yaratdik. Birinchi taym bilan solishtirsak, ikkinchi bo'limda vaziyatlar ancha ko'p bo'ldi.

- Jamoangiz ikkinchi bo'limda ancha yaxshi o'yin ko'rsatdi. Tanaffusda jamoangizga qanday ko'rsatmalar berdingiz?

- Yuqorida aytib o'tganimdek, tanaffusda jamoaning o'yinini o'zgartirishni rejalashtirdik. Biz biroz yuqoriroq o'ynashni boshladik, agressivroq harakat qilishga kirishdik. Raqib darvozasiga qanchalik yaqin kelsak, xavfli vaziyatlar ham shunga yarasha ko'proq bo'lishi aniq edi. Birinchi bo'limda hujum qilishda muammolar bo'lgandi. Ikkinchi taymda esa oldinga borib, vaziyatlar yaratdik. Bu umumiy gapdek tuyilishi mumkin, ammo aynan shu narsalar hisobiga biz ikkinchi bo'limda butunlay boshqacha o'yin ko'rsatdik.

- Natijadan qoniqdingizmi?

- O'yinni dastlab 1:0 hisobida boy berayotganimizni hisobga olidigan bo'lsak, ha, natijadan qoniqdim. Yigitlarim birgalikda harakat qilishni boshlashdi, birlashishdi va xarakter ko'rsatishdi. Ikkinchi bo'limda ular tishni tishga qo'yib harakat qilishdi va durangga erishishni uddalashdi. Bu mehmondagi o'yin ekanligini hisobga olsak, ushbu durang g'alaba teng bo'ldi. Shu o'rinda raqibning o'yinini ham takidlab o'tish lozim. Birinchi bo'limda ular zo'r harakat qilishdi. O'yin ham juda faol va qiziqarli o'tdi.

Sergey Arslanov: "Turon"ga qarshi bahs mehmondagi o'yin ekanligini hisobga olsak, ushbu durang g'alabaga teng bo'ldi"