“Ertaga juda jiddiy jamoa raqiblik qiladi. 3 yil ichida bunchalik kuchli jamoaga qarshi o'ynamaganmiz. Fikrimcha “Al Ayn” musobaqa favoritlaridan biri”, - deydi Sergey Lushan.

“Juda qiyin o'yin bo'ladi. Guruhimiz favoritiga qarshi o'ynaymiz. O'zbekistonga va “Bunyodkor”ga g'alaba keltirishga urinamiz”, - deydi Dostonbek Hamdamov.

- Raqibning o'yinlarini ko'rib chiqdingizmi?

- Albatta klub matbuot xizmati say harakati tufayli bunga erishdik. Bu jamoani anchadan buyon kuzatib kelaman. Umar Abdulrahmonni “o'zga sayyoralik” desak ham bo'ladi.

- Jamoa muxlislarini bir narsa tashvishga solmoqda. “Bunyodkor” mavsumni yaxshi boshlaydi, keyin pasayish kuzatiladi. Bu yil shunday bo'lmasligiga vada bera olasizmi?

- Maqsadimiz yoshlarni tabriyalash. Shu bois OCHL finaliga chiqishni vada bera olmayman. Men ham yiliga 8 million maosh oladigan futbolchilarni ro'yxatini tuzib shularni olib kelinglar O'zbekiston chempioni qilaman va OCHL finaliga olib chiqaman deyishim mumkin edi. Ammo klub siyosati shunday: yoshlarni tarbiyalash va terma jamoaga foyda keltirish.

- Jamoada ko'plab yoshlar bor. Ammo negadir ularni maydonda boshqaradigan tajribali futbolchi qolmagandek tuyulmoqda.

- Albatta tajribali va mahoratli futbolchini safiga qo'shib olishimiz mumkin edi. Ammo bunga katta pul kerak. Nurillo To'xtasinov 1997 yilda tug'ilgan. U hali 20 yoshga ham to'lmagan. Undan kelajakda ajoyib futbolchi etishib chiqishi mumkin. Biz xorijdan qimmat futbolchilarni olib kelishni istamaymiz va bunga urinmaymiz ham.

- Bu savolni raqib ustoziga ham berdim: Ertaga kim favorit? O'tgan yilgi finalchi “Al Ayn”mi yoki o'z maydonida o'ynaydigan “Bunyodkor”mi?

- Siz nima deb o'ylaysiz? Ha men realistman. Ertaga bizga qarshi juda kuchli jamoa o'ynaydi. Agar yigitlarim barcha ko'rsatmalarni bajarishsa g'alaba qozonamiz. G'alaba qozonsak bundan albatta xursand bo'lamiz.

- Gadoev “Buxoro”ga ketdi, Hamdamov va Shomurodov boshqa klubga o'tishi mumkinligi haqida xabarlar chiqdi. Agar bular ketishsa guruhdan chiqsangiz yangi futbolchilarni olasizmi?

- Futbolda o'zgartirib bo'lmaydigan futbolchilar yo'q. Shu bois har qanday vaziyatga tayyor turamiz. Agar yoshlar xorijga yo'l olishsa ularga omad tilaymiz va ishlashda davom etamiz.

- Yoshlarni maydonga tushirayapsiz. Ammo “Al Ahli” bilan o'yinda aynan yoshlarning xatosi tufayli yutqazdinglar. Ular bilan gaplashib oldingizmi?

- Albatta doim gaplashamiz. Ammo futbol shunday narsa xato qilsangiz yutqazasan. O'z futbolchilarimga ishonishda davom etaman.

- Jamoadagi ichki muhit qanday holatda?

Dostonbek Hamdamov: - Muhit alo darajada. Ertaga yutishga urinamiz. Jamoada ikki futbolchi o'ynamaydi balki 11 nafar futbolchi harakat qiladi. Muxlislarni xursand qilishga urinamiz.

Narzulla Saydullaev

Sergey Lushan: “Al Ayn” safida o'zga sayyoralik o'ynaydi”