- Biz uchun hozirgi kunda muhimi - natija. O'yin borasida muammolar bor, ikkinchi o'yindirki yaxshi, ko'ngildagidek harakat qila olmayapmiz.
Futbolchilarda faollik, harakatlar bor. Ammo maydonda to'p bilan tez fikrlash etishmayapti. O'z o'yinimiz bilan muxlislarni xursand eta olmayapmiz.
Ayni paytda biz uchun natija muhim ahamiyat kasb etadi.

Biz bugun o'zimizni mehmonda to'p surgandek his qildikmi? To'g'risi, men bunga ortiqcha etibor qaratmayman. Biz bazida o'z maydonimizdan ko'ra safarda yaxshiroq o'ynaymiz. Shu bois bu jihat o'yinga hech qanday tasir ko'rsatgani yo'q.

Biz qaerda o'ynasak ham muxlislarimiz jamoamizni yolg'izlatib qo'yishmadi. Qaerda bo'lmaylik ularning qo'llab-quvvatlashini his etib turamiz. Ular doimo biz bilan birga. Buning uchun ularga katta tashakkur bildirib qolamiz.

"Neftchi"ga qarshi o'yinda himoyada juda ko'pol xatolarga yo'l qo'ygandik. Bugungi o'yinda ham bu kamchiliklar to'liq yopilmagani ko'rinib qoldi.

Himoyadagi muammolarning sababi nimada? To'g'risi, buni o'zimiz ham tushunmayapmiz.
Etakchi futbolchilarimiz masuliyatni to'liq o'z bo'ynilariga olishmayapti. shu narsa meni havotirlantirmoqda.
Zuagini ketgani jamoamizning o'yinini tubdan o'zgartirib yuborgani yo'q. Bir futbolchi jamoamizni o'yinini belgilab bermaydi. Futbolda almashtirib bo'lmas futbolchining o'zi yo'q.

Hozircha jamoamizdan tanaffusdan keyin o'ziga kelib olgani yo'q. Hujumlarni tashkil etishda, himoyada tartibli o'ynashda muammolarga duch kelyapmiz. "Bunyodkor" hali ikkinchi davra o'yinlariga kirishib ketgani yo'q. Buni biz bilardik, jamoamiz to'liq formaga kirib borishi uchun 2-3 tur kerak bo'lishini taxmin qilgandik.

Futbolchilarga o'ziga bo'lgan ishonch qaytishi kerak. Shundagina ularning maydonda o'ylagan rejalari, harakatlari samarali chiqadi.

Gadoev ham, Azimov ham yaxshi o'ynashdi. Lekin jamoaning o'yini chiqmay turgan paytda barcha yomon o'ynagan bo'lib chiqadi. Bu paytda hech kimni alohida ajratib ko'rsatishning iloji yo'q.
Sardor Azimov hamda Shohruh Gadoevning imkoniyatlarini yaxshi bilamiz va ular mavsum davomida o'z o'yinlarini yanada kuchaytirib borishlariga ishonchim komil.
"Bunyodkor"ning ishlari besh bo'ladi, muhimi - ishonmoq lozim.

"Lokomotiv" ichki chempionatda hali ochkolarni yo'qotishiga umid qilamiz. OCHLda esa ularga ishqibozlik qilamiz. "Loko" juda kuchli jamoa. Ayni paytda o'zbek futbolidagi eng kuchli jamoa - "Lokomotiv". Bunga shubha yo'q. Ularga qarshi jamoalar 220% tayyorgarlikda maydonga tushishlari lozim. Shundagina raqib "Loko"ni mag'lubiyatga uchratish imkoniyatiga ega bo'ladi. Futbolda yutqazmaydigan jamoaning o'zi yo'q. Shu bois hali ularni ham yutadigan jamoalar topilib qoladi. Kimlar? Istalgan jamoa yutishi mumkin. Faqatgina to'liq tayyorgarlik va yuqori sifat bilan harakat qilmoq zarur.

Sergey Lushan: "Bunyodkor"ning ishlari alo bo'ladi, muhimi - ishonmoq lozim"