"G'alaba qozonganimizdan xursandman. Birinchi bo'lim menga juda yoqdi. Yanada ko'proq gollar urishimiz mumkin edi. Ikkinchi bo'limda esa biroz sustroq o'ynadik. Zaxiradan maydonga tushgan futbolchilar yomon ko'rinishdi demayman, ammo bunday o'yinga qo'shilib ketish oson emas. Ayniqsa bunday noqulay raqibga qarshi. Hozirgi kunda chempionatdagi barcha jamoalar o'ziga xos o'yin uslubiga ega. Taxminan 6-7 yilcha avval bunday rang-baranglik yo'q edi. Ko'p jamoalar bir xil uslubda o'ynar edi. "Qo'qon-1912" vertikal futbol o'ynaydigan jamoa. Birinchi bo'limda bir nechta vaziyatlar ham yaratishdi, shunga qaramay g'alaba qozondik", - deya fikr bildirdi Sergey Lushan bugungi bahs haqida.

- Bugun "Navbahor" jamoasi tarixidagi muhim voqea sodir bo'ldi. Bugun klub o'z akademiyasini ishga tushirdi. Ushbu voqeiylikka munosabat bildirib o'tsangiz...

- Har bir binoning fundamenti bo'lishi kerak. Men bu masalada hokim bilan ko'p gaplashganman. Buni allaqachon amalga oshirish kerak edi. Muxlislarni akademiya paydo bo'lgani bilan tabriklayman. Odatda besh yildan so'ng akademiya tarbiyalanuvchilari asosiy jamoa tarkibida paydo bo'la boshladi. O'zingiz ko'rib turibsiz, zamonaviy futbol biznesga aylanib ketgan. Klublar o'z tarbiyalanuvchilarini sotish orqali daromad qilishadi. Ayrim klublar esa tarbiyalanuvchilarning transferlaridan kelib tushgan pul evaziga faoliyatini davom ettirib kelmoqda. Misollar juda ko'p. "Navbahor" ham shunday darajaga etib keladi degan umiddaman. Jamoa byudjetining bir qismini bo'lsa ham qoplay olish kerak. Hozirgi kunda barchasi pulga borib taqaladi. Muhimi, hammani sotib yuborish emas, balansni topa olish. "Bunyodkor"dagi tajribamdan kelib chiqib, bu ish oson emasligini ayta olaman. Namangandan eng yaxshi futbolchilar etishib chiqqan. Nasib qilsa, akademiyamizda shug'ullanadigan yoshlar kelajakda muvaffaqiyatli futbolchi bo'la olishadi.

Sergey Lushan: "Men bu masalada hokim bilan ko'p gaplashganman. Buni allaqachon amalga oshirish kerak edi"