Matbuot anjumaning ikkinchi qismida "Bunyodkor" murabbiyi Sergey Lushan va Dostonbek Hamdamov qatnashdi.

"Ertangi o'yinda g'alaba qozonib guruh bosqichiga chiqishni istaymiz. Albatta buning uchun jamoamiz tayyor. Jamoa 100 foizga tayyor. Asosiy vazifa o'yindan oldin ruhan maromida bo'lish. Muhim o'yindan oldin bu juda kerakli jihat", - deydi Sergey Lushan.

"Murabbiyning fikriga qo'shilaman. Barchamiz ertangi o'yinga tayyoramiz. "Al Shabab"ga qarshi bor kuchimiz bilan o'ynaymiz", - deydi Dostonbek Hamdamov.

- Aziz Haydarov sizlarga malumot berdimi?

- (kuladi) Yo'q. Balki futbolchilardan biriga aytgandir. Agar hazilsiz aytadigan bo'lsak. Professional futbolchi sifatida u ayni paytda "Al Shabab" futbolchisi. Bu borada hech qanday gap so'z bo'lishi mumkin emas.

- Qatardagi Osiyo chempionatidan so'ng yosh futbolchilarning jismoniy va ruhiy tayyorgarligi qanday?

- Bu borada muammo yo'q. Barcha futbolchilarga xordiq olish imkoniyatini berdik. Ular ham jismonan, ham manan tayyorlar.

- OCHLda to'rtta legioner uchun ruxsat bor. Silarda 3 nafar legioner bor...

- Shu kunlarda yangi legionerni kutayapmiz. Hozircha bu borada hech nima deya olmayman.

- Aziz Haydarovga qarshi o'ynaysizlar. Bunga tayyormisizlar?

Dostonbek Hamdamov: - Aziz aka bilan terma jamoada birga o'ynaganmiz. Ular bizga yaxshi tilaklar bildirdilar. Maydonga tushib o'zinlarni ko'rsatinglar deb maslahat berdilar.

- Mavsum boshlanmagani jamoaga qanday tasir qiladi?

- Biz ikki oyda 10ta o'yin o'tkazdik, "Al Shabab" esa 8ta o'yin o'tkazdi. Biz o'yinga 110 foizga tayyorlandik.

- Muxlislar qanday yordam beradi?

- Muxlislar 12-o'yinchimiz. Ular kelib bizga yordam berishlariga tilakdoshman. Ertaga sovuq havo bo'lishi kutilmoqda. Shunga qaramay kelishsin va "Bunyodkor"ni qo'llab quvvatlashsin.

Narzulla Saydullaev

Sergey Lushan: "Muxlislar 12-o'yinchi"