"Дуранг ўйнадик. 0:1 ҳисобида мағлубиятга учраётиб якунда 1:1 қилдик. Ҳар доим ҳам биз истаган нарса рўй бермайди. Ҳа, бугун ютиб кетишимиз ҳам мумкин эди. Ўйинни олиб қарайдиган бўлсак 1:1 биз учун қониқарли натижа деб айта оламан. Тўхтаб қолмаймиз, олдинга интилишда давом этамиз. Уч кундан сўнг навбатдаги ўйинни ўтказамиз. Шу ўйинга тайёргарликни давом эттирамиз",- дейди Сергей Лушчан.

- Аваз Агалиевнинг жароҳати қай даражада жиддий?
- Жароҳат олгани сабабли уни биринчи бўлимдан сўнг алмаштирдик. Ҳозирча жароҳати қай даражада жиддийлигини билмайман. Текширувлар натижасидан сўнг хулоса чиқаришимиз мумкин. Айрим футболчилар барча учрашувларда ўзгаришларсиз ҳаракат қилмоқда. Ким яхшироқ тайёр бўлса ўша майдонга чиқади. Таркибимизда маҳаллий ёшлар бор. Кўрамиз, кимга имконият берамиз.

- Суперлигага йўлланма олиш учун қайси жамоада имконият кўпроқ деб ўйлайсиз?
- Кучли тўртликка кирган барча жамоаларда биринчи ўринни олиш ва Суперлигага чиқиш имконияти бор. Кейинги ўйин кўп нарсага ойдинлик киритиб беради. Кураш жиддий кечиши шубҳасиз. Дастлабки тўртликдаги барча жамоа Суперлигага чиқишни истайди.

Сергей Лушчан: "Кейинги тур кўп нарсага ойдинлик киритиб беради"