"Реал Мадрид" бош мураббийи Бразилия терма жамоасига тайинланишга яқин эди, бироқ келишув бузилгани хабар қилинган эди. Бунинг асосий сабабларидан бири "қаймоқранглилар"нинг италиялик мутахассисни клублар ўртасидаги жаҳон чемпионатигача қўйиб юборишни истамаслиги ва шартноманинг сўнгги йили учун компенсация тўлашдан бош тортиши эди.

Бироқ Marca нашри Карло Анчелоттининг атрофидаги манбаларга таяниб хабар беришича, мураббий "Мадрид"дан пул талаб қилмагани ва клуб унинг янги ишга ўтишига ҳеч қандай тўсиқ қўймаганини иддао қилмоқда.

Шунингдек, Бразилия билан келишув Саудия Арабистонининг "Ал Ҳилол" клуби Анчелоттига йилига 50 миллион евро таклиф қилгани туфайли бузилган бўлиши мумкинлиги айтилган эди. Аммо мураббийнинг баъзи вакиллари бундай таклиф ҳақида ҳеч нарса эшитмаганини билдиришди, шунинг учун агар таклиф бўлса ҳам, бу борада аниқ маълумот йўқ.

Бундан ташқари, Анчелоттининг Бразилияга кўчиб ўтишдан, хусусан, хавфсизлик масаласида хавотирлари борлиги ҳам айтилмоқда.

Шунга қарамай, RadioMarca журналисти Рамон Альварес де Мон Анчелоттининг Бразилия терма жамоаси мураббийлигига тайинланиши ҳали ҳам имконли эканлигини иддао қилмоқда.

Карло Анчелотти ва Бразилия футбол конфедерацияси (CBF) вакиллари музокараларни давом эттирмоқда ва мавжуд шартнома лойиҳаси устида ишлашяпи. Томонлар ўртасида янги учрашув бугунга режалаштирилган. Анчелотти "Реал" унинг кетиши билан боғлиқ ҳеч қандай муаммога дуч келмайди, деб ҳисоблайди.

Инсайдернинг таъкидлашича, солиқ масаласи муҳим рол ўйнайди. Агар мураббий КЖЧ "Реал"ни бошқарса ва келаси мавсумда жамоада ишламаса ҳам Испания солиқ хизматига катта миқдорда солиқ тўлаши керак бўлади.

Сериал давом этади. Анчелотти Бразилия терма жамоаси билан музокараларни давом эттирмоқда