Yaqinda Navoiy viloyatida bo'lib o'tgan Respublika Kubogiga tashrif buyurgan Jeparovning ro'yxatidan 26 nafar futbolchi o'rin olgan edi. O'zbekistondagi barcha 2006 yillarda tavallud topgan futbolchilarni yaxshilab o'rganishni maqsad qilgan murabbiy 22-25 oktyabr kunlari voha jamoalarini kuzatdi. O'FA va Qashqadaryo futbol associaciyasi bilan hamkorlikda tashkil qilingan "Voha Kubogi"da Surxondaryo, Qashqadaryo, Jizzax va Samarqanddan tashrif buyurgan jamoalar ishtirok etdilar.

Final

"Nasaf" - Jizzax akademiya 0:1

3-o'rin uchun bahs

Samarqand terma jamoasi - Qashqadaryo akademiya 2:0

Endigi selekciya ishlari 18-25 noyabr kuni vodiy jamoalari ishtirokida bo'lib o'tadi. Ayrim sabablarga ko'ra Xorazm va Qoraqalpog'iston Respublikasi jamoalari vohada bo'lib o'tgan musobaqada qatnasha olmadilar. Shu boisdan bu ikki hududga bosh murabbiyning o'zi tashrif buyuradi va u erdagi futbolchilarni ko'zdan kechiradi.

Shu kungacha O'zbekiston o'smirlar terma jamoasi 13 yoshdan yig'ilmagan. Bunday holat ilk marotaba kuzatilayapti. Rejaga ko'ra joriy yilning dekabr oyida ilk yig'in tashkil qilinadi. Ayni paytda jismoniy holati sust bo'lgan futbolchilar ham nazoratdan chetda qolmaydi. Ular uchun "B" terma jamoasi shakillantiriladi. Mazkur terma jamoaning asosiy vazifasi o'smirlar o'rtasidagi muvaffaqiyatga erishgan holda, keyinchalik MTJga yaxshi saviyadagi futbolchilarni etkazib berish ham.

Server Jeparov Qashqadaryoda voha futbolchilarini selekciya qildi