Муборакликлар йиғин доирасидаги биринчи назорат учрашувини "Бунёдкор"га қарши ўтказди. Мазкур учрашувдан сўнг жамоа бош мураббийи Серхио Маринангели фикрлари билан ўртоқлашди.

"Кундан-кунга ўйинимиз шаклланиб бормоқда. Жамоа биргаликда ривожланмоқда. Биз тўғри йўлдамиз. Ҳали кўп нарсалар устида ишлашимиз керак. Таркибда янги футболчилар бор, уларнинг ўзаро тушуниб олишлари учун вақт зарур. Олдимизда бир ой вақт қолган. Мана шу давр ичида хатоларимизни тўғирлаб мавсум стартига шай ҳолатда етиб келамиз.
Футболчилар аста-секин талабларимни ва фалсафамни тушуниб боришяпти. Лекин, камчиликларимиз кўп. Буни яширмайман.
Айни пайтда тўлиқ таркиб йиғилган, дея олмайман. Янги футболчилар кўрикдан ўтмоқда. Ҳозир қўл остимда йиғилган футболчилар билан ҳам ажойиб мавсум ўтказа олишимизга ишонаман",- дейди Маринангели.

Серхио Маринангели: "Машъал" жамоаси тўғри йўлдан кетмоқда"