- O'yin haqidagi taassurotlaringiz bilan o'rtoqlashsangiz...

- Ochig'ini aytsam, bugungi o'yin juda alamli bo'ldi. Bizga 1 ochko ham oltinga teng ochko edi. Harakat qildim, ammo o'yin so'ngida diqqatni yo'qotdik. Shuning ortidan ikkinchi golni o'tkazib yuborib, mag'lubiyatga uchradik. Hayot shunaqa. Futbol shunaqa. Bir kun yutasiz, bir kun yutqazasiz. Keyingi o'yinlarda g'alaba qozonib, boy berilgan ochkolar o'rnini to'ldiramiz degan umiddaman.

- "Buxoro"da murabbiylar o'zgarishi ro'y berishi. Bu jarayonning jamoaga tasiri sezildimi?

- Bosh murabbiyni jamoani tark etgach, ichki hissiyotlarda o'zgarish ro'y beradi. Psixologik stress kuzatiladi. Tushkunlikdan chiqib ketmasdan murabbiydan ayrilish qo'shimcha bosim yukladi. Biz professionalmiz. Futbolchi o'z ishini qilishi kerak. "Buxoro" va muxlislari uchun harakat qilyapmiz. Nasib etsa, hammasi yaxshi bo'ladi degan umiddaman.

- Maydonda sizni kurashuvchan futbolchi sifatida bilamiz. Shu bilan birga og'zaki bahslarda ham ko'p ishtirok etasiz. Bugun ham Mali bilan tortishib qoldingiz. Biroq ijtimoiy tarmoqlarda ichki kechinmalaringizni ifoda etib borasiz. Bu bir-biriga teskari jarayon emasmi?

- Bugungi bahslashuv bo'lgan vaziyatda Abdujalilov bilan hazillashdim. Mali esa ortimdan kelib turtdi. Men uni tartibga chaqirdim, u esa agressivlikka berilib ketdi. Men javob qaytarishim kerak edi va shunday qildim. Futbol shunday sport turiki, unda emociyalarni boshqarish qiyin. G'alaba uchun, jamoa uchun o'ynagan paytingiz hamma narsani unutasiz.

- "Buxoro" keyingi turda turnir jadvalida yonma-yon borayotgan "Qo'qon-1912" bilan kuch sinashadi. Bo'lajak raqib so'nggi o'yinlarda g'alaba qozonmoqda. Bu uchrashuv qay darajada qiyin o'tadi?

- Bugungi o'yindan so'ng o'zimizga kelib olishimizga vaqt kerak. Bugun minimum 1 ochkoga loyiq edik. "Qo'qon-1912"ga qarshi bellashuvda faqat g'alaba uchun maydonga tushamiz.

Shahboz Jo'rabekov: "Malini tartibga chaqirdim, u esa agressivlikka berilib ketdi. Kamida 1 ochkoga loyiq edik"