Shuningdek ushbu musobaqada shou-biznes vakili qo'shiqchi Shahriyor ham ishtirok etmoqda. Musobaqa davomida Shahriyor kiberfutbolga kirib kelishi va ushbu spor turi haqida intervyu berdi.

- Shahriyor siz sanatkorsiz, kibersportga yana kiberfutbolga qiziqish qachondan boshlangan?
- Aslida men futbolchi bo'lishim kerak edi. Yoshligimda futbol bilan jiddiy shug'ullanganman. Bazi bir sabalarga ko'ra futbolni tashlashimga to'g'ri kelgan va sanat yo'lini tanlaganman. Afsuski futbol yuragimda armon bo'lib qolgan. Baribir futbol men uchun birinchi o'rinda turadi. Kiberfutbolga qizishim ancha oldin boshlangan. Yoshligimizda “dendi”, “sega” o'yinlari bo'lar edi. Mana shu o'yinlarni o'ynab katta bo'lganmiz. Biroz ulg'ayganimdan so'ng bo'sh vaqtlarimda playstation yana “Sony 1”ni o'ynab turar edim. Keyinchalik “Sony 2” talqini chiqdi, shunda ham o'zimni sinab ko'rdim. Aziz aka Pattaxov bilan tanishganimga 3-4 yilcha bo'lib qoldi. Ular bilan gaplashganimda mana shunaqa kiberfutbol Associaciyasini ochin niyati borligini bildirgandi. Qilgan niyatlari xolis ekan, barchasi amalga oshdi.

- Siz sanatkorsiz, lekin futbol bilan sanatning qanday bog'liqlik taraflari bor?
- Albatta, futbol ham bir sanat. Futbolchilar maydonda to'p bilan zargarona harakatlarni amalga oshirishadi. To'pni shu darajada olib yurishning o'zi ham bir sanat. Shuning uchun ham ikkala kasb ham bir-biri bilan bog'liqlik taraflari bor.

- Sanatkor do'stlaringizni ham kiberfutbolga taklif qilganmisiz?
- Albatta, ayni damda hamkasbim, do'stim, aktyor, rejissyor va klipmeyker Muhammadali Iskandarov bilan UCFGA Associaciyasining chempionati birinchi liga bahslarida ishtirok etayapmiz. Bundan tashqari yana bir shou-biznes yulduzini ham kiberfutbolda ishtirok etish uchun taklif qilganman, lekin hozircha ushbu shou-biznes vakili kimligi sir bo'la qolsin (kulib).

- Kiberfutbol juda ham tez vaqt ichida sport turiga aylanishga ulgurdi. O'zbekistonda ham kiberfutbol rivojlanib bormoqda. Bunga qanday fikr bildirasiz?
- Juda ham qisqa vaqt ichida kiberfutbol sport turi O'zbekistonda rivojlandi. Bundan juda ham xursandman. Bilamizki bizda ko'pchilik yoshlaar futbolga qiziqqani bilan professional darajasidagi futbolchi bo'lib keta olmaydi. Kimdurni sharoiti to'g'ri kelmasa yana kimdur jarohat sababli futbolni tashlashga to'g'ri keladi. Shuning uchun ham mana shunday futbolni sevadigan insonlar uchun kiberfutbol juda ham yaxshi sport turi. Kiberfutbol insonni har taraflama aqlini charxlaydi. Siz bu erda xuddi bir jamoaning murabbiyideksiz. Joystikni qo'lingizga olasiz va o'zingiz istagan jamoani o'zingiz istagan taktikada o'ynata olasiz. Shuning uchun ham ushbu sport turi bilan shug'ullanaman degan barcha yoshlarni kiberfutbolga taklif qilib qolaman.

Jahongir Sotvoldiev suhbatlashdi

Shahriyor: “Aslida men futbolchi bo'lishim kerak edi”