“Шальке” раҳбари Клеменс Тенньес ўз лавозимини тарк этди. 64 ёшли тадбиркор муваффақиятсиз мавсум туфайли клубдан истеъфога чиқди. Жамоа мухлислари уни кескин танқид қилишган ва узоқ вақтдан буён унинг кетишини сўрашган эди.

Қўшимча қилиш керакки, гельзенкирхенликларнинг сўнгги йилдаги молиявий қарзи 200 млн еврони ташкил қилди. Коронавирус пандемияси эса ҳолатни янада жиддийлаштирган. Манбага кўра, иқтисодий муаммолар туфайли клубда иш ҳақи чеклови жорий этилиши кутилмоқда. Шундай бўлган тақдирда, жамоадаги ҳеч қайси ўйинчи йилига 2,5 млн евродан кўпроқ маошга эга бўлолмайди.

“Шальке” президенти ўз хоҳиши билан истеъфо берди, жамоа молиявий қийинчиликлар гирдобига тушиб қолган