Unda “Sevinch” jamoasi hamda o'z tarixida ilk marta “So'g'diyona-W” finalda bahs olib boradi. Jizzax futboli tarixida ilk bor viloyat jamoasi finalgacha etib bordi. Bu esa futbol mutaxassislari, keng jamoatchilik hamda jizzaxlik muxlislarni xursand qildi. Ertaga muhim bahs va tarixiy uchrashuv. Ushbu o'yindan oldin “So'g'diyona-W” bosh murabbiyi Sherali Babakulov hamda “So'g'diyona-W” futbolchi qizlari Lidiya Cema va Aziza Norboevaning ning fikrlari bilan qiziqdik.

- Kuni kecha Jizzaxda so'nggi mashg'ulotimizni o'tkazdik. “So'g'diyona” akademiyasi tarbiyalanuvchilari bilan bir qator o'rtoqlik uchrashuvlarini o'tkazdik. Final bahsiga barcha futbolchi qizlar tayyor. Muhimi xech qanday jarohat yo'q. Futbolchilar ruxan va jismonan tayyor. Shogirdlarimning ko'zi yonib turibdi. Kimdir oldindan “Sevinch”ga kubokni topshirgan bo'lsa bu xato. Biz jangga tayyormiz va kubok uchun kurashamiz. Faoliyatim davomida men uchun bu 4 final. “Sevinch” ga qarshi qanday o'yin olib borish kerakligini juda yaxshi bilanaman. Finalgacha o'yinlarini ko'rib chiqdik va yutuq kamchiliklarga diqqatimizni qaratdik. Biz chempioatda kuchli jamoalarga qarshi teng o'yinlarni olib bordik. Biz haqli ravishda finalga chiqdik. Tarixni yangilashga tayyormiz va bu uchun kurashamiz.

Shu fursatdan foydalanib, jizzaxlik muxlislardan ertaga “OKMK” stadionida bizni qo'llab-quvvatlashlarini so'rab qolamiz. Bundan muhim bahsda muxlislarning qo'llab-quvvatlashi biz uchun zarur. Bizga ishoning va biz qo'ldan kelgancha sizlani xursand qilishga harakat qilamiz - deydi Sherali Babakulov.

- Jamoamiz juda yosh va ilk debyut mavsumda juda katta xajmdagi ishni amalga oshirdik. Jamoada yosh futbolchi qizlar ko'p va ular ham shu finalga chiqishimizga o'z hissalarini qo'shdi. Murabbiyimizni barcha ko'rsatmalarini bajardik. Finalga chiqish biz chun tarix. Hammamiz ham hayajonli holatdamiz. O'z oldimizga jiddiy maqsad qo'ydik. G'alaba qozonishni juda xoxlaymiz. Jamoadoshlarimga maydonda bir oila bo'lib, Jizzax viloyati tarixida yangi sahifa boshlaylik va ushbu yilda oruzimizni amalga oshirishni tilagan bo'lar edim - deydi “So'g'diyona-W” futbolchisi Lidiya Cema.

- Finalga chiqishga qadar uzoq yo'l bosdik. To'g'ri ko'pchilik oson raqiblarga qarshi bahs olib borishdi dedi ammo ularga qarshi kurash ham oson bo'lmadi. Har bir o'yinda murabbiyimiz ko'rsatmalarini to'g'ri bajarishga harakat qildik. “Sevinch” dan kam joyimiz yo'q. Qo'limidan kelagcha Jizzax viloyati shani ,raxbariyatimizni ishonchini oqlashga harakat qilamiz. Ayollar futbol jamoasini tarixga kiritishga imkonimiz boricha harakat qilamiz - deydi Aziza Norboeva.

Sherali Babakulov: “Tarixni yangilashga tayyormiz”