- Sherzod yaqindagina jarohatdan qaytdingiz va mashg'ulotlarga qo'shildingiz. O'zingizni qanday his etmoqdasiz?

- Jarohatdan to'liq forig' bo'lganim yo'q. Mashg'ulotlarga kirishdim, ammo maydonga to'sha olishim aniq emas. Hali yuz foiz tayyor emasman.

- Tailandga qarshi tayyorgarlik qanday kechmoqda?

- Raqibni o'rganyapmiz. Kayfiyatimiz yaxshi. Hammasi yaxshi rejamiz bo'yicha ketmoqda.

- Qanot himoyachilari chizig'ida katta yo'qotishlar bo'ldi va tanqidlar bo'ldi. Jarohat sababli maydonga tusha olmagan uchrashuvlarda sizning o'rningizni yosh futbolchi Zafarmurod Abdirahmatov egalladi. Qanot himoyachilari, yani sizning poziciyangizdagi futbolchilarning Osiyo kubogida namoyish etayotgan o'yiniga qanday baho berasiz?

- Qanot himoyachilari yaxshi o'ynashmoqda. Zafarmurod yaxshi o'yin namoyish etdi. Farruh aka Sayfiev ham ancha tajribali futbolchi. Qanot himoyachilari stabil va yaxshi o'ynashmoqda deya olaman.

- Tailand terma jamoasi haqida nimalar deya olasiz? Ularning darajasiga qanday baho berasiz?

- Avvalari Tailand futbolini kuchsiz deb o'ylardim. Biroq hozir ular katta o'sishga erishibdi. Saudiya Arabistoniga qarshi kechgan uchrashuvni tomosha qildim va ular juda yaxshi o'yin namoyish etishdi.

- "Nasaf"ning Chempionlar ligasidagi so'ngi uchrashuvini Dohada o'tkazgan edi va siz uchrashuvdan keyin Dohada qolgandingiz. O'sha vaqti siz "Al-Sadd" va Qatar jamoalari bilan muzokara olib boryapsiz degan xabarlar tarqalgan edi. Shu gaplar qanchalik rost?

- Ha, men Dohada qolgandim, lekin Qatar klublari bilan muzokara olib borish uchun emas. Men Dohada oilam bilan tatilda edim. "Al-Sadd"ning qiziqishi bo'lgani rost, ammo muzokara olib borilmadi.

Sherzod Nasrullaev: "Jarohatdan to'liq forig' bo'lganim yo'q"