Римликлар 21 ёшли футболчини 5 миллион еврога ижарага олишди.

Шунингдек, ушбу келишувга мувофиқ турли хил бонуслар учун 8 миллион евро қўшилган. Бу “Рома” учун клуб тарихидаги энг йирик трансфер сифатида маълум қилинган.

Генуяликлар 2020 йилнинг февралига қадар футболчининг трансферидан яна 20 миллион евро ишлаб олишади. Агар футболчи ушбу муддатга қадар “Рома”дан бошқа клубга сотиладиган бўлса, “Сампдория” унинг трансфер суммасининг тенг ярмига эгалик қилади.

Бундан бир қанча вақт илгари “Ювентус”га ўтишга яқин турган Шик юраги билан боғлиқ муаммолари туфайли Турин жамоаси либосини кия олмаганди.

Ўтган мавсумда Шик А сериянинг 32 та учрашувида иштирок этиб, 11 бор рақиб дарвозасини ишғол этди ва 6 та голга ҳаммуаллифлик қилди.

Шик расман “Рома” аъзосига айланди