Bugun biz durang qayd etib Jahon chempionatiga chiqdik. Ketma ket to'qqizinchi marta Janubiy Koreya mundialga yo'l oldi. Hozir yurtimizda yarim tun, shunga qaramay xalqimiz final xushtagini kutib o'tirishdi. O'zbekistonlik muxlislarga ham rahmat aytaman, ular bizni qo'llab quvvatlashdi, - deydi Shin Tae Yong.

- Bugun JCHga yo'llanma qo'lga kiritildi, ammo jamoaingiz gol ura olmadi. Nimani kuchaytirish kerak?

- Biz bugun faqat g'alaba uchun maydonga tushgandik. Terma jamoaga yaqinda keldim. Oldinda 9 oy vaqt bor. Biz mundialga munosib tayyorgarlik ko'ramiz. O'zbekiston ham bugun yaxshi o'ynaganini aytish kerak.

- Sizga eng qiyini nima bo'ldi?

- Terma jamoaga kelganimda Eron bilan o'ynadik. Biz hujumkor o'yin ko'rsatishga urindik, maqsadimiz yutqazmaslik edi. Asosiysi natija edi.

- Birinchi va ikkinchi taym mutlaqo turlicha bo'ldi, buni tushuntirib bering.

- Birinchi taymda shoshmaslik kerakligini aytdim. Ikkinchi taymda jismoniy holati pasayganini ko'rdim. Biz gol urishga urindik.

- O'zbekiston terma jamoasi mana nechanchi marta mundialdan chetda qolmoqda. Mutaxassis sifatida O'zbekistonga nima etishmaydi deb o'ylaysiz? Murabbiymi, g'oliblik ruhiyatimi yoki futbolchilarmi?

- Bu jamoaga qarshi uchinchi bor to'qnash keldim. Mahorat etarli, mentalitetni bilmayman shu bois bu savolga aniq javob bera olmayman.

- O'yin vaqtida Eron va Suriya uchrashuvi natijasini bilib bordingizmi?

- Futbolchilar bilishmadi, faqat men hisob 2:1 ekanligini va Eron yutayotganini eshitdim. Ammo keyinroq bahs 2:2 hisobida tugadi deyishdi.

- Siz jamoaga kelgach ikki marta 0:0 hisobi qayd etildi. Hujumda muammolar bormi?

- Birinchi navbatda himoyani o'ylash kerak. Rossiyadagi mundialda Koreya hujumkor o'ynaydi.

Narzulla Saydullaev

Shin Tae Yong: "O'zbekistonlik muxlislarga ham rahmat"