Biz karantinni Ozarbayjonda o'tkazayotgan futbolchining fikrlari bilan qiziqdik.

- Avvalo O'zbekiston xalqiga, yurtdoshlarimiz, futbol muxlislariga salom yo'llayman! Ayni kunlarda dunyoning deyarli barcha mamlakatlarida koronavirus sababli karantin elon qilingan. Xususan, shu kunlarda men istiqomat qilib turgan Ozarbayjonda ham karantin. Bu erda chempionatning so'nggi uchrashuvini 8 mart kuni o'tkazganmiz. Navbatdagi bahsimiz 14 martda bo'lib o'tishi lozim edi. Shu bellashuvga tayyorgarlik ko'rayotganimizda hukumat karantin elon qildi. Mana oradan ikki oy o'tdiki, hali karantin bekor qilingani yo'q. Futbolchi uchun futbolsiz hayot qanchalik qiyin va zeriklarli ekanligiga yana bir bor guvoh bo'ldim.

Ozarbayjonda ham karantinni ilk kunlari qattiq tartibda o'tdi. Belgilangan qarorga ko'ra 5 may kuni mamlakatda karantin yakunlanishi kerak edi, biroq hukumat muddatni 31 may sanasiga qadar cho'zdi. Lekin kechadan boshlab tartib biroz engillashdi. O'zbekiston bilan solishtiradigan bo'lsak talablar orasida deyarli farq yo'q. Bu erda ham avtomashinada yurish uchun maxsus ruxsatnoma olish kerak. Ko'chaga chiqish tartiblarida ham farq ko'rmaysiz. Amal qilmagan jarima to'laydi.

Federaciya chempionatni muddatidan oldin tugatish yoki davom ettirish haqida yakuniy qarorni qabul qilmadi. Mashg'ulot o'tkazyapmiz, faqat maydonda emas, balki uyda. Aniqrog'i, jamoaning jismoniy tayyorgarlik bo'yicha murabbiyi ijtimoiy tarmoq orqali onlayn tarzda mashg'ulot o'tkazyapti.

Xalqimizdan karantin qoidalariga qatiy amal qilib, virusni tezroq chekinishiga hissa qo'shishini so'rab qolaman", - deydi Gadoev.

Shohruh Gadoev: "Ozarbayjonda ham karantinni ilk kunlari qattiq tartibda o'tdi"