Бир кун олдин Сурияга қарши ўртоқлик учрашуви ўтказган жамоамиз энди 11 сентябрь кунги Эрон билан баҳсга тайёргарликни бошлади. Кечаги машғулотларда Жанубий Кореяда ўйнаётган икки легионеримиз Шоҳруҳ Гадоев ва Санжар Турсунов ҳам иштирок этди.

Кечаги машғулотда Сурия билан ўйинда асосий таркибдан ўрин олган ва иккинчи тайм бошида майдонга тушган Сардор Собирхўжаев, жами 12 футболчи тикланиш учун енгил ҳаракатларни бажаришди.

Жароҳат олган Владимир Козак машғулотни фақатгина четдан кузатди холос. У тажрибали шифокор Аброр Пирриев назоратида бўлиб турибди.

Қолган ўйинчилар ҳам енгил машқлар устида ишлашди. Сурия билан ўйиндан олдин йиғинга қўшилиб, фақат якка тартибда ишлаган Виталий Денисов умумий гуруҳда шуғулланди. Гадоев ва Турсунов ҳам барча билан бирга тўлиқ ишлашди.

Шоҳруҳ Гадоев ва Санжар Турсунов терма жамоа ихтиёрига етиб келишди ФОТО