Murabbiylardan farqli ravishda futbolchilar ichida kurash qizg'in kechdi. 57 ochko to'plagan Shohrux Gadoev “Nasaf” uchun kerakli o'yinchi ekanligini isbotlay olgan holda yuqori o'rinni qo'lga kiritdi. Mavsum kashfiyoti bo'layotgan Ikrom Aliboev haqli ravishda oyning eng yaxshi futbolchilari qatoridan joy oldi.

Futbolchilarning aprel oyidagi ko'rsatkichlari:

Shohrux GADOEV - Yarim himoyachi (“Nasaf”)

Gadoev aprel oyida uchta o'yinda maydonga tushdi va to'liq 90 daqiqadan to'p tepdi. "Qo'qon-1912" jamoasiga bir, "Qizilqum"ga esa ikki marta gol urishning uddasidan chiqdi.

Igor SERGEEV - Hujumchi (“Paxtakor”)

Aprel oyida hujumchi uchta o'yinda maydonga tushdi. "Buxoro"ga qarshi o'yinda Sergeev o'z faoliyatidagi birinchi xet-trikini nishonladi. "Paxtakor" - "Sho'rtan" bahsida esa golli pas muallifi bo'ldi.

Zohir QO'ZIBOEV - Hujumchi (“Mashal”)

Hujumchi uchta o'yinda maydonga tushdi. "Olmaliq" darvozasiga bir marta, "Qo'qon-1912"ga esa ikki marta gol urdi.

Nikita PAVLENKO - Yarim himoyachi (“Olmaliq”)

Oliy liga doirasidan o'rin olgan 3ta o'yinda Nikita jami 4ta gol pas berdi. "Qo'qon-1912" jamoasiga bitta, safarda "Buxoro"ga 3ta.

Ikrom ALIBOEV - Yarim himoyachi (“Lokomotiv”)

1994 yilda tavallud topgan Aliboev "Lokomotiv"ning aprel oyidagi eng yaxshi o'yinchisi bo'ldi. "Bunyodkor" bilan o'yinda golli pas muallifi bo'lgan futbolchi "Paxtakor" darvozasiga gol urib jamoasining g'alabasiga munosib ulush qo'shdi.

O'zPFL va “CA” sovrini g'olibi bo'lgan futbolchining aprel oyidagi natijalari:

O'rin	Futbolchilar	Klub	I	II	III	IV	V	Jami
1	SH. Gadoev	“Nasaf”	6	4	3	1	-	57
2	I. Aliboev	“Lokomotiv”	5	5	1	2	1	53
3	Z. Qo'ziboev	“Mashal”	1	2	4	5	2	37
4	I. Sergeev	“Paxtakor”	1	2	3	3	4	32
5	N. Pavlenko	“Olmaliq”	-	1	3	2	6	23

Kim kimga ovoz berdi. To'liq ro'yxat bilan tanishing.

Shohrux Gadoev - aprel oyining eng yaxshi futbolchisi