Жамоалар ушбу ўйинга турли кайфиятларда ташриф буюришади.

Сўнгги вақтларда "Динамо"ни танқид қилувчилар сони сезиларли даражада камайди, жамоа шунга лойиқ ўйин кўрсатмоқда. Москва жамоаси "Краснодар" билан дуранг ўйнади, сенсацион тарзда ЦСКАни таслим этди, "Ахмат" билан очколарни бўлишиб, "Рубин"ни мағлубиятга учратди. "Ростов"га қарши баҳсда 4 ўйинлик мағлубиятсиз серия Москва клубига катта ёрдам бериши мумкин.

"Ростов" ҳақида гапирадиган бўлсак, клубда молиявий муаммолар бошланган. Бунинг устига жамоа РПЛдаги сўнгги ўйинда "Тамбов"га мағлуб бўлди. "Ростов" охирги тўртта турда фақат бир марта ғалабага эришди. Аутсайдердан мағлубиятни қабул қилиб олган жануб клуби "Зенит"га қарши баҳсда йирик ҳисобда таслим бўлди. "Ростов"да ҳар томонлама инқироз кузатиляпти. Лекин ҳамюртимиз Элдор Шомуродов клубига яхши кайфиятда қайтиб борди, чунк у Фаластинга қарши ЖЧ-2022 саралаш учрашувида дубл қайд этиб, терма жамоамиз ғалабасини таъминлаб берди.

Статистик маълумотлар

- Жамоалар ўзаро 51та учрашув ўтказган. Ғалабалар бўйича устунлик "Динамо" (22та) томонда. Қолган баҳсларда 17та дуранг ва 12 марта "Ростов"нинг ғалабаси кузатилган.

- Ўзаро ўтказилган сўнгги 10та баҳсда "Динао" 3 марта зафар қучди, 4та баҳсда мағлубиятга учради ва 3та ўйинда очколарни бўлишиб олди.

- Сўнгги 10та учрашувдаги ўртача маҳсулдорлик - 2,9 ("Динамо"нинг ҳар ўйиндаги ўртача натижаси 1,6та гол, "Ростов"ники эса - 1,3).

- "Динамо" уйида ўтказган сўнгги 5та учрашувнинг 3тасида ғалабага эришди. 1 марта "Ростов"нинг қўли баланд келган бўлса, 1 бора дуранг қайд этилди.

Шомуродов ва "Ростов" "Динамо"га қарши (превью)