Jamoalar ushbu o'yinga turli kayfiyatlarda tashrif buyurishadi.

So'nggi vaqtlarda "Dinamo"ni tanqid qiluvchilar soni sezilarli darajada kamaydi, jamoa shunga loyiq o'yin ko'rsatmoqda. Moskva jamoasi "Krasnodar" bilan durang o'ynadi, sensacion tarzda CSKAni taslim etdi, "Axmat" bilan ochkolarni bo'lishib, "Rubin"ni mag'lubiyatga uchratdi. "Rostov"ga qarshi bahsda 4 o'yinlik mag'lubiyatsiz seriya Moskva klubiga katta yordam berishi mumkin.

"Rostov" haqida gapiradigan bo'lsak, klubda moliyaviy muammolar boshlangan. Buning ustiga jamoa RPLdagi so'nggi o'yinda "Tambov"ga mag'lub bo'ldi. "Rostov" oxirgi to'rtta turda faqat bir marta g'alabaga erishdi. Autsayderdan mag'lubiyatni qabul qilib olgan janub klubi "Zenit"ga qarshi bahsda yirik hisobda taslim bo'ldi. "Rostov"da har tomonlama inqiroz kuzatilyapti. Lekin hamyurtimiz Eldor Shomurodov klubiga yaxshi kayfiyatda qaytib bordi, chunk u Falastinga qarshi JCH-2022 saralash uchrashuvida dubl qayd etib, terma jamoamiz g'alabasini taminlab berdi.

Statistik malumotlar

- Jamoalar o'zaro 51ta uchrashuv o'tkazgan. G'alabalar bo'yicha ustunlik "Dinamo" (22ta) tomonda. Qolgan bahslarda 17ta durang va 12 marta "Rostov"ning g'alabasi kuzatilgan.

- O'zaro o'tkazilgan so'nggi 10ta bahsda "Dinao" 3 marta zafar quchdi, 4ta bahsda mag'lubiyatga uchradi va 3ta o'yinda ochkolarni bo'lishib oldi.

- So'nggi 10ta uchrashuvdagi o'rtacha mahsuldorlik - 2,9 ("Dinamo"ning har o'yindagi o'rtacha natijasi 1,6ta gol, "Rostov"niki esa - 1,3).

- "Dinamo" uyida o'tkazgan so'nggi 5ta uchrashuvning 3tasida g'alabaga erishdi. 1 marta "Rostov"ning qo'li baland kelgan bo'lsa, 1 bora durang qayd etildi.

Shomurodov va "Rostov" "Dinamo"ga qarshi (prevyu)