- Akmaljon, bugungi o'yin haqida nimalarni ayta olasiz?

- Bugun kuchli raqibga qarshi harakatlandik. Zaxira o'rindig'imiz tor bo'lganligi tufayli jamoamiz futbolchilari bir necha o'yindan beri almashtirishlarsiz o'ynab kelmoqdalar. Maydon ham bizga ozroq noqulaylik tug'dirdi.

- Birinchi gol uzoq masofadan yo'llangan zarba evaziga urildi. Bu siz uchun kutilmagan hol bo'ldimi?

- Yo'q, bu kutilmagan zarba edi. To'p futbolchilarning orasidan o'tib kelgani tufayli yo'nalishni aniq payqash qiyin bo'ldi.

- Zaxira o'rindig'i tor bo'lishi sizga va jamoadoshlaringizga qanday qiyinchiliklarni yuzaga keltirmoqda?

- Qiyinchilik bor, lekin judayam yuqori darajada deb o'ylamayman. Bizdagi muammo jamoamizning aksariyat futbolchilarining yosh ekani. Ularga tajriba etishmayapti. Sekin-sekin o'yinlar davomida malaka to'plab boramiz.

- "Sho'rtan" muxlislariga nimalarni aytgan bo'lardingiz?

- Ularga bizni qo'llab-quvvatlab kelishayotganliklari uchun minnatdorchilik bildiraman. Nasib bo'lsa, navbatdagi o'yinlarda g'alaba qozonib muxlislarimizni xursand qilamiz degan umiddaman.

Bekzod Tolibov suhbatlashdi

"Sho'rtan" darvozaboni: "Muammo - aksar o'yinchilarimizning yoshligi"