"Ғалаба билан мезбонларни табриклайман. Ҳамиша "Насаф" билан ўйинлар қизиқ кечади. Бу ерда яхши майдон, ажойиб муҳит бор. Мухлислар футболни яхши кўради. Яхши ўйин бўлди. Ҳимояда кўп хатоларга йўл қўйдик. Биз бир неча вазиятларни юзага келтирдик, аммо улардан фойдалана олмадик. Зарбаларни ноаниқ йўлладик. Рақибдан барча яхши ҳаракат қилди, фақат дарвозага аниқ зарба беришда муаммолар бўлди. Чемпионликка эришиб бўлганимиз "Насаф"нинг ҳаракатларига соя солмайди. Улар жуда яхши ўйнашди. Олдинда бизни Кубок баҳслари кутмоқда. Ўзимиз қатнашаётган мусобақаларда ғолиб чиқишга интиламиз. Ўзбекистон Кубогида мавсум мобайнида ўзимиз кўрсатгандек чиройли ва сифатли футбол намойиш қилишга уринамиз. "Насаф" ҳам чемпионлик йўлида қўлидан келганича ҳаракат қилди. Уларда бугун бироз хоҳиш юқори бўлди дея оламан. Майдонга чиқишди ва ўз ишларини бажарган ҳолда ғалаба қозонишди. Рақиб жамоа мураббийни, мухлисларини ғалаба билан табриклайман", - дейди Арвеладзе.

- Кубокда ҳам ғолиб чиқиб "олтин дубль" расмийлаштиришга ишонасизми?
- Биз ўзимиз иштирок этадиган ҳар бир турнирда ғолиб чиқишни истаймиз. Гоҳида бу йўлда бизга рақиблар тўғаноқ бўлади.

- Ижтимоий тармоқларда сизга кучли клублар қизиқаётгани ҳақида ўқидик. Кейинги мавсумни ҳам "Пахтакор"да ишлайсизми?
- Ҳозирда бу масалани муҳокама қилишнинг вақти эмас. Олдинда яна ўйинлар бор. Кубок мусобақаси кутмоқда. Шартномам якунлангач барчасига ойдинлик киритиб оламиз.

Шота Арвеладзе: "Насаф" жуда яхши ўйнади"