"Ажойиб футбол кечаси бўлди, минглаб мухлислар, ажойиб об-ҳаво. Биз футболни яхши кўрадиган жамоага қарши ўйнадик. Шундай жамоага қарши ўйнаш доим ажойиб. Ўйлашимча биз ҳам класс намойиш этдик. Юқори савияда ўйнай олишимизга ишониш керак.
Бугун биз характер ҳам намойиш қилдик. Икки марта ҳисобда ортда қолиб ҳисобни тенглаштира олдик. Йигитлар тезкор ўйин намойиш этишди. Умуман олганда яхши ўйин бўлди.

Ҳа, рақиб сафида жаҳон юлдузлари ўйнашди. Аммо улар билан тенгма-тенг ўйнашимизга ўзимиз ишонишимиз керак. Ғалаба қозонишни ўрганиш лозим. Ўзбек халқи очиқ ва ҳужумкор ўйинни яхши кўради. Бу бизнинг услубимиз ва кўплаб ҳужум қилиб ғалаба қозонишимиз керак.

Албатта тезкор гол ўтказганимиз доим таъсир қилади. Хави мастер, футбол афсонаси. Унга ярим метр бўш жой қолдирсангиз етарли эканини кўрдик.

Элдор Суюновнинг жароҳати тузалди. Шифокорлар уни имкон қадар тез тайёрлашга ҳаракат қилишди. У ёшлар лигасида учта ўйинда майдонга тушди ва биз билан бирга машғулотларда ишламоқда. Суюнов ўйин ритмига кириб олиши керак. Ўтказиб юборилган голларда эса Қуввтовни айбламаган бўлардим. Хави Касильяс ва бошқа кучли дарвозабонларга ҳам гол урган. Бу ерда маҳорат ўз сўзини айтди", - дейди Шота Арвеладзе.

Шота Арвеладзе: "Пахтакор" характер кўрсатди, Хави эса мастер, футбол афсонаси"